Estrasburgo, 9 de xuño de 2015.- Este martes pola tarde a eurodeputada de Alternativa Galega de Esquerda en Europa (AGEe) Lídia Senra deu a coñecer en rolda de prensa, canda outras eurodeputadas/os da esquerda estatal[1], o manifesto “UNHA MAREA CONTRA O TTIP”, unha comparecencia marcada polo anuncio, apenas uns minutos antes, da suspensión da votación do informe de recomendacións do Parlamento Europeo á Comisión Europea relativas ás negociacións da Asociación Transatlántica de Comercio e Inversión (ATCI) -máis coñecido como o TTIP (Transatlantic Trade and Investment Partnership)-, elaborado pola Comisión de Comercio Internacional do Parlamento Europeo e prevista para mañá.
A institución comunitaria alegou dificultades para realizar a votación do elevado número de enmendas presentadas ao texto, malia que previamente tomara a medida de mesmo adiantar a hora de inicio do Pleno ás 8:00hrs. da mañá en previsión do tempo que levaría esta votación.
Sen deixar de lado todo tipo de precaucións, diante do adiamento da votación a deputada de AGEe valorou que “sempre tivemos claro que na medida na que se coñecera o que se estaba a negociar, inda sen transparencia e ca información tan condicionada á que temos acceso, a presión social iría en aumento”. Deste xeito, Senra quixo poñer en valor o traballo realizado polas organizacións sociais, movementos e cidadanía en xeral expresando a súa disconformidade co TTIP, tanto a través de fortes mobilizacións como das campañas de información postas en marcha, así como das estratexias de presión dirixidas directamente ás representantes políticas/os, como o envío nestes últimos días de correos electrónicos ás eurodeputadas/os diante da votación inicialmente prevista.
Dende AGEe, reiterou a eurodeputada galega, “reclamamos a suspensión das negociacións en calquera circunstancia”, e agora inda con máis contundencia, xa que “non se lle está a dar ao Parlamento Europeo a posibilidade de fixar a súa posición, seguramente porque os resultados non ían ser os que esperaban.”
A través do manifesto presentado hoxe, eurodeputadas/os de formacións de esquerda do Estado español quixeron dar unha mostra de unidade fronte a un acordo de libre comercio que, de ser aprobado, destruiría “liberdades e dereitos conquistados durante décadas para poñelos ao servizo do beneficio dunhas poucas multinacionais”.
Aliás, estratéxicamente o texto interpela directamente ás parlamentarias/os do grupo socialista, que vén mantendo unha actitude ambigua[2] fronte ao polémico tribunal de arbitraxe entre multinacionais e gobernos – ISDS polas súas siglas en inglés – recollido nesta proposta de acordo comercial.
“Dende AGEe seguiremos dando a batalla contra este ataque á soberanía dos pobos”, proseguíu Lídia Senra, “no Parlamento Europeo, na rúa e en tódolos espazos nos que nos sexa posíbel”, xa que, como recollemos neste manifesto conxunto, “o TTIP é un acordo deseñado para poñer fin, dun só golpe, aos instrumentos que aínda nos quedan aos pobos de Europa para facer fronte a estes privilexios e frear a primacía da economía por riba da xente. (…) Non queremos a súa reforma ou mellora, cremos que é imposíbel un TTIP bo para a xente, un acordo comercial ditado polas grandes multinacionais sempre vai ir en prexuízo dos intereses da maioría. Reclamamos que se dea voz a todas as partes implicadas no proceso, e que se escoite aos movementos e organizacións sociais, (…) esiximos que se celebre un referendo sobre o TTIP, que dea voz a quen ostenta a soberanía: a xente.”
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
