A elevada accidentalidade rexistrada en vehículos agrícolas preocupa á Dirección Xeral de Tráfico (DGT) e ao Instituto Galego de Seguridade e Saúde Laboral (ISSGA), dependente da Consellería de Traballo e Benestar. E é esta preocupación compartida a que motivou a posta en marcha dunha campaña dirixida a sensibilizar ao usuario do tractor sobre os riscos que conleva o manexo deste tipo concreto de vehículo.
Trátase de conciencialos na importancia de cumprir rigorosamente a normativa específica de circulación e de aconsellarlles en materia de seguridade, fundamentalmente no que se refire a medidas de prevención fronte a volcos, posto que se trata do accidente máis común, tanto en estradas como en leiras nas que se traballa. Así o puxeron de relevo este martes o delegado do Goberno en Galicia, Santiago Villanueva, e a conselleira de Traballo, Beatriz Mato. foi na presentación na Coruña desta campaña, un acto celebrado na sé da delegación do Goberno ao que tamén asistiron a directora xeral de Traballo, Carmen Bouso; o subdelegado do Goberno na provincia, Jorge Atán, a coordinadora da DGT na comunidade, Vitoria Gómez Dobarro; o xefe do sector de Tráfico da Garda Civil en Galicia, o tenente coronel Francisco Javier Molano, así como os xefes de sector das distintas provincias; o subdirector xeral Técnico e de Planificación do ISSGA, Fernando González; e os directores xeral e técnico da ITV en Galicia, Juan Diego Rodríguez e Enrique Taracido.
Co fin de darlle a maior difusión posible a esta campaña de ámbito autonómico, a DGT repartiu nos últimos días preto de 35.000 trípticos elaborados polo ISSGA con información de interese en seguridade, mantemento do vehículo, normativa específica, prevención de accidentes e medidas en caso de producirse. Un dos puntos principais do material son as medidas para evitar o envorco, xa que é a principal causa de accidentes, seguida polo atrapamento en tómaa de forza e os de circulación. Axentes das distintas agrupacións de tráfico da Garda Civil ocuparanse de distribuír estes trípticos entre os posibles interesados, que tamén poderán conseguilos a través das ITV móbiles e nas sedes dos Concellos, con especial incidencia no rural.
A campaña completarase no último trimestre do ano, cando a Consellería de Traballo da Xunta de Galicia, a través do ISSGA, impartirá unha quincena de cursos sobre o manexo seguro do tractor, unha actividade formativa de especial relevancia na comunidade galega dado o importante volume de vehículos matriculados nela como de servizo agrícola. De feito, o 15% dos tractores que hai en España están en Galicia.
Segundo o último censo da DGT, á pechadura do pasado ano había un total de 403.624 vehículos deste tipo (144.446 na Coruña, 134.012 en Lugo, 50.514 en Ourense e 74.652 en Pontevedra), roldando os 26 anos a idade media dos mesmos, unha elevada idade que implica que, en moitos casos, os vehículos non dispoñan dos elementos de seguridade adecuados.
SINISTRALIDADE
A finalidade última desta campaña de sensibilización é a de reducir a sinistralidade rexistrada neste tipo de vehículos, tanto en accidentes de circulación en estrada como no caso de accidentes laborais e naqueloutros sinistros que non figuran en ningunha destas categorías, pois os usuarios de tractores que en moitos casos sofren accidentes non están realizando propiamente unha actividade profesional. En moitos casos trátase de persoas maiores, xa xubiladas, que usan o tractor como medio de transporte ou ferramenta agrícola sen figurar como traballadores activos, motivo polo que tampouco constan como vítimas de accidente laboral en caso de sufrir un accidente pero a quen, en todo caso, tamén vai dirixida esta campaña.
De feito, a maioría das máis de 70 vítimas mortais rexistradas desde 2011 en Galicia pertencen a este último grupo, mentres que 23 faleceron en accidentes de circulación en estrada e 2 en accidentes laborais. No que levamos de ano, xa se contabilizan 9 falecidos en accidentes con tractores, dous deles en accidentes de circulación en estrada.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
