Foz, 10 de xuño de 2015.- O alcalde en funcións de Foz, Javier Jorge Castiñeira, inaugurou este mércores pola mañá no Cenima dúas exposicións con obras de artistas locais. Unha delas é de traballos en cerámica feitos nun obradoiro da Asociación Asistencial Virxe do Carme, de Foz, e a outra mostra é de tallas en madeira feitas polo veciño de Cangas Cándido Barcia coa colaboración de Antonio Fernández e Eugenio Fernández.
O rexedor municipal destacou que “dentro da actividade cultural do concello de Foz, que é moi ampla, hoxe vimos de abrir dúas exposicións no Centro de Interpretación da Mariña (Cenima) que, xunto coa que inauguramos onte, son tres as mostras que hai actualmente neste centro en Foz. As dúas exposicións abertas hoxe son de autores locais”.
Javier Castiñeira especificou que “concretamente a primeira inaugurada é dos rapaces da asociación de discapacitados Virxe do Carme, de Foz, e mostra os traballos en cerámica que fixeron coa apoio da súa monitora, Pili, que é unha artista local que ven traballando con estes rapaces durante moitos anos. É un gusto enorme colaborar con estes rapaces, pero o apoio é recíproco pois esta asociación durante todo o ano colabora moitísimo co Concello en actividades como a Cabalgata de Reis, o Entroido e outras moitas. Polo tanto nós estamos moi orgullosos de traballar man a man con eles, que están facendo un excelente labor de integración no pobo”.
O alcalde engadiu que “inaugurouse tamén a exposición marabillosa de tallas de madeira de veciños de Cangas que levan cerca de dous anos traballando nun curso desta especialidade; e a verdade é que nos vemos sorprendidos pola gran calidade das tallas. Hai verdadeiras obras de artesanía, como reloxos de parede ou escudos. Concretamente hai un escudo de Foz que foi doado polo propio autor ao Concello, unha obra que é unha verdadeira marabilla. Son tallas que merece a pena vir a velas porque son feitas por artistas veciños de Cangas, que poñen o seu tesón, a súa creatividade e o seu bo facer”.
Castiñeira rematou comentando que “estamos moi contentos porque o Cenima está a tope e aconsellamos aos veciños de Foz e tamén aos de toda A Mariña que veñan polo Cenima porque poden pasar un rato moi agradable, xa que hai tres exposicións marabillosas: a que inauguramos onte, de Filgueira Valverde, que é o persoeiro ao que se lle dedican as Letras Galegas deste ano 2015; o traballo dos rapaces da asociación de discapacitados Virxe do Carme, de Foz; e as tallas de madeira dos veciños de Cangas”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
