Foz, 11 de Xuño de 2015.- O BNG de Foz expón que seguirá antepoñendo a política aos políticos. Este mércores o BNG reuniuse na súa sede con PSOE e FPF para expoñer os puntos básicos mínimos para poder chegar a un posible acordo.
Estes cinco puntos coinciden cos que incluía o compromiso que Lorena Seivane trasladaba aos demais candidatos durante a campaña e que aínda hoxe non responderon.
As cinco ideas ás que o BNG de Foz nunca renunciaría son as que trasladou onte na reunión a tres.
A primeira baséase en poñer a funcionar o Viveiro de empresas no Polígono Industrial de Fazouro.
A seguinte proposta é adquirir un compromiso pola participación e a democracia, poñendo a funcionar o Regulamento de Participación Cidadá, que dará voz @s veciñ@s, ás parroquias e ás asociacións.
O terceiro punto innegociable é a de facer un Concello transparente, ético e responsable no seu goberno; comprometido coa xestión rigorosa do diñeiro público con medidas como cobrar o IBI á Igrexa, aos bancos e ás grandes empresas, a administración de obras e prazas por concurso público e a elaboración duns orzamentos participativos e reais.
O penúltimo sería o compromiso polo territorio, que inclúa o adencentamento de vías públicas e zonas comunitarias, sinalización, accesos, eliminación de barreiras, cumprimento de ordenanzas e coidado das pistas e dos montes. Aprobación definitiva do PXOM, rematar os servizos básicos nas parroquias e resolver definitivamente o problema da depuradora.
E en quinto lugar os servizos, tanto os sociais como os municipais. Dentro dos servizos sociais comprometersea unha xestión pública para a residencia e centro de día en construcción, ampliación das prazas das escolas infantís, crear o xantar na casa e pór en marcha o piso tutelado. E no referente aos servizos municipais, recuperar para @s veciñ@s todos aqueles servizos que foron privatizados: auga, alumeado, xardinería e axuda no fogar.
Segundo Lorena Seivane “o BNG considera estes cinco puntos innegociables para poder chegar a un posible acordo de esquerdas. Cremos que a elección de alcalde é a última decisión e que o primeiro é pensar no benestar dos veciñ@s con políticas participativas e igualitarias”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
