Santiago de Compostela, 24 de Xuño 2015.- O BNG considera que o resultado da votación no Pleno da Deputación de Lugo confirma, “lamentablemente”, que tiña razón cando comunicou que o alcalde de Becerreá, Manuel Martínez, non era a persoa adecuada para presidir a institución, nun tempo en que a cidadanía esixe máxima exemplaridade dos cargos públicos.
“Non só era un candidato imputado senón que demostrou ser unha persoa capaz de antepoñer os seus intereses e ambición persoal aos da súa propia organización política e aos da propia institución provincial. É evidente, que o resultado do Plenario demostra que o señor Martínez non era a persoa acaida para presidir esa institución”, valorou a secretaria de Política Municipal, Goretti Sanmartin, nunha comparecencia de urxencia ante os medios.
A formación nacionalista salienta que o sucedido en Lugo “é xusto o contrario do que defende o Bloque para as deputacións”, que deben estar nas antípodas “da loita polos cargos, do presidencialismo, das decisións unilaterais”, recalcou Sanmartín. Fronte a iso, “o BNG reafirmase no diálogo, na negociación e no consenso”.
“O modelo do Bloque Nacionalista Galego para as deputacións, – no camiño cara a súa desaparición-, é o da transparencia, a radicalización democrática no seu funcionamento, acadar entidades ao servizo dos concellos que, hoxe máis ca nunca, entendemos deben, -concellos e Xunta de Galiza-, asumir os recursos e as competencias destas institucións”, argumentou a secretaria de Política Municipal.
Para o BNG, resulta politicamente moi elocuente o feito de que o PP non teña remorsos en acceder á Presidencia da Deputación de Lugo “co apoio dunha persoa que non é da súa organización, persoa capaz de poñer o seu protagonismo político e as súas ambicións persoais por diante de calquera outra consideración”.
Neste sentido, o BNG valora moi positivamente a responsabilidade política do PSOE ao dar unha alternativa á Presidencia da Deputación de Lugo libre de calquera imputación, feito que permitiu o apoio do BNG na votación no plenario da institución, ao tempo que se confía na capacidade do Partido Socialista para reconducir a situación a través das canles e órganos políticos que corresponda.
Nese suposto, o Bloque reitera a súa “total disposición” a favorecer un goberno alternativo ao PP na Deputación de Lugo en canto sexa posible, cun programa coherente ao servizo dos intereses de todos os concellos da provincia.
En todo caso, o BNG considera que é necesario retomar as negociacións para seguir avanzando no programa político e no modelo de deputacións para o futuro e insta ao PSOE. “Emprazamos ao Partido Socialista a reanudar ese proceso de negociacións o máis axiña posible, para poñernos a traballar de xeito inmediato a poder ser mañá mesmo, sentarse para consensuar un programa alternativo, no que o BNG confía e polo que traballará todo o que sexa necesario”, concluíu Sanmartín.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
