Cervo, 5 de xuño de 2015- O alcalde en funcións, Alfonso Villares e o edil de Deportes en funcións, Luis Guillén entregaron os cheques das axudas ás entidades deportivas aos seus representantes. Unhas subvencións que concede o Concello todos os anos e das que se benefician os clubs de fútbol do municipio.
Nesta ocasión incrementouse o importe total en 6.000 euros máis, de forma que se repartiron 29.990 euros para “apoiar o deporte”, asegura Guillén. En canto ás entidades beneficiarias foron o Club Deportivo San Ciprián, a Sociedade Deportiva Cervo-Sargadelos, a Sociedade Deportiva Candelaria e a Asociación Deportiva Cultural San Román así como a Asociación Deportiva de Veteranos de San Ciprián, de recente creación.
Desta maneira, son cinco os clubs e asociacións de fútbol que reciben esta colaboración económica directa para “axudar ás entidades nos seus gastos relacionados coa promoción deportiva, pero tamén á participación en campionatos deportivos federados ou a gastos de funcionamento, conservación, mantemento ou reparacións menores, sempre que non sexan considerados investimentos” explica Guillén.
Unhas axudas que o Concello financia con fondos municipais ao 100% e que se suman a outras medidas de apoio que leva a cabo durante todo o ano. Neste sentido cabe lembrar que o Concello colabora cos clubs na organización e promoción de actividades, achegando persoal e material; no mantemento das instalacións deportivas (como foi o caso da remodelación do campo de fútbol) e en todas as iniciativas nas que estas entidades solicitan axuda.
Unha colaboración que non se limita aos clubs de fútbol, e que se fai extensible a todas as entidades que desenvolven unha actividade deportiva no municipio nas diversas disciplinas, como é o caso do tiro con arco, o surf, o ciclismo, o tenis de mesa, o piragüismo ou os deportes náuticos. “O noso concello ten un tecido asociativo moi dinámico, tamén no ámbito deportivo, e nós traballamos para contribuír a que o siga sendo”, remata Guillén.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
