Santiago, 16 de xuño de 2015.- O voceiro do Mar do Grupo Popular, Jose Manuel Balseiro, defenderá este mércores na sesión da Comisión de Pesca e Marisqueo do Parlamento de Galicia unha iniciativa na que reclama que o novo Fondo Europeo Marítimo e de Pesca (FEMP) inclúa medidas específicas para financiar a modernización e mellora da competitividade das PEMES dedicadas á transformación dos produtos do mar, así como tamén de apoio á súa internacionalización.
Así o plasman os populares nunha proposición non de lei rexistrada no Parlamento galego, na que defenden que este apoio á industria conserveira cabe entre os obxectivos de impulso do desenvolvemento territorial equilibrado e integrado das zonas pesqueiras que persegue o novo FEMP e que cita literalmente entre os seus obxectivos.
Valor engadido aos produtos do mar
Ademais, o Grupo Popular recorda que as fábricas de conservas non só teñen un impacto directo na vida das poboacións onde se asentan, senón que ademais serven para dar un maior valor engadido a produtos do mar como o atún ou o mexillón galego, que están contribuíndo ao auxe do sector tanto no mercado interior como exterior (cun incremento do 3 por cento nas súas exportacións o último ano)
Desde o Grupo Popular se defende a necesidade de seguir apoiando a este tipo de empresas, en especial ás de pequeno e mediano tamaño, que teñen menor posibilidade de acceso a outro tipo de recursos financeiros, para contribuír a facelas máis competitivas e gañar músculo.
Balseiro propón aproveitar os instrumentos que crea o novo FEMP e incorporar medidas específicas para impulsar tamén o acceso destes produtos a novos mercados, a través de distintas estratexias de internacionalización
A conserva en Galicia
A conserva galega é probablemente o ámbito máis forte e significativo da cadea mar-industria. Segundo os últimos datos oficiais, Galicia produciu preto de 294.000 toneladas de conservas e semiconservas de produtos da pesca marisqueo e da acuicultura, cun valor económico próximo aos 1.290 millóns de euros, o que representa máis do 85 por cento da produción en España.
O apoio á industria conserveira, actividade prioritaria do Goberno galego, ten que ver tamén como súa importancia social e laboral en moitas localidades costeiras, indica Balseiro. De feito a conserva galega xera, ademais, o 78 por cento do emprego deste sector, na maioría feminino, unha man de obra e actividade que fai do noso país a primeira zona produtora da Unión Europea e a segunda do mundo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
