Lugo, 17 de xuño de 2015.- Os campos de fútbol de toda a provincia encheranse este fin de semana de afeccionados para presenciar as finais da Copa Deputación de Fútbol, nas distintas categorías tanto de fútbol base como afeccionado a nivel masculino e feminino, polo que será “unha fin de semana de emocións e fútbol por toda a provincia”, en palabras do vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, que presentou este mércores pola mañá as finais nun acto no que tamén participaron o vicepresidente da Federación, Carlos Negrín, e representantes dos equipos que disputan as finais e dos que ceden os campos.
O campo do Acibreiro da Pastoriza acollerá o sábado ás 18:00 horas a final de 2ª e 3ª autonómica que disputarán o Santaballés e o Santa Comba, mentras que o campo das Valgas de San Miguel de Reinante, en Barreiros, acollerá o domingo ás 20:00 horas a final de 1ª autonómica e Preferente entre o Castro e o Viveiro. A final feminina entre o Antas de Ulla e o gañador do partido entre o Friol e o Milagrosa tamén se disputará no campo do Iberia o domingo ás 18:00 horas.
Durante a súa intervención, Antonio Veiga destacou “a alta participación que rexistra esta cita deportiva ano tras ano, contando nesta edición da Copa Deputación de Fútbol coa participación de máis de 80 de equipos lucenses, desde 3ª Autonómica a Preferente Autonómica, contando aliñacións masculinas e femininas”.
Importante apoio da Vicepresidencia da Deputación ao fútbol base e afeccionado
Pola súa banda, o vicepresidente da Federación Galega de Fútbol, Carlos Negrín, destacou o “importante apoio” que durante todo o ano a Área de Deportes da Deputación dá ao fútbol lucense e a todos os equipos existentes na provincia, “tanto a nivel afeccionado como de fútbol base”, destacou.
Para a posta en marcha desta última edición da Copa Deputación, a área de Deportes da Deputación conta cun orzamento semellante ao do ano pasado de case 95.000 euros, polo que se manteñen as cantidades dos premios. Dos clubs deportivos participantes no trofeo, o campión e subcampión da categoría 1ª Autonómica e Preferente Autonómica, serán premiados con 5.000 e 4.000 euros respectivamente. Ademais, cada equipo recibiu 450 euros por partido xogado durante as distintas roldas de clasificación. En 2º e 3º Autonómica, os premios alcanzarán os 4.000 e os 3.000 euros para primeiro e segundo, e os clubs preciben 385 euros por partido disputado.
Ademais, Antonio Veiga avanzou que nos vindeiros días resolverase a convocatoria de axudas da área de Deportes aos clubs en réxime de concorrencia competitiva deste ano.
Finais nas categorías de fútbol base
Este fin de semana dispútanse tamén as finais da Copa Deputación nas distintas categorías de fútbol base co seguinte calendario:
Categoría Xuvenil: Monterroso – Viveiro (sábado ás 18:00 horas no campo do Becerreá)
Categoría Cadete: Palas de Rei – Foz (domingo ás 11:30 horas en Outeiro de Rei)
Categoría Infantíl: Monterroso – Ribadeo (sábado ás 12:00 horas en Abadín)
Categoría Alevín: Residencia – Lugo (sábado ás 11:00 horas no campo da Cheda en Lugo)
Final de consolación: Santiago de Foz – Ferroviaria (domingo ás 11:00 horas en Cospeito)
Categoría Benxamín: Porto Burela – Lugo (domingo ás 12:00 horas en Cospeito)
Final de consolación: Praia de Cobas – Ribadeo (domingo ás 12:30 horas en Burela)
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
