Lugo, 16 de xuño de 2015.- A Consellería de Cultura, Educación e Ordenación Universitaria oferta para o curso 2015/2016 un total de 3.991 prazas en primeiro curso en ciclos de Formación Profesional en centros públicos da provincia de Lugo, segundo recolle este martes o Diario Oficial de Galicia. Delas, 2.474 forman parte do réxime ordinario – 1.338 en grao medio e 1.136 en grao superior-, mentres que outras 617 son do réxime modular para persoas adultas – 371 en grao medio e 246 en grao superior-, 250 do réxime modular a distancia – 150 en grao medio e 100 en grao superior-, 620 en FP Básica, e outras 30 en FP Dual.
A oferta, moi similar en termos e cifras xerais á do curso 2014/2015, modifícase cada ano para adaptarse á demanda e ás necesidades expresadas polos centros educativos; diante do importante interese que esperta a FP. Neste sentido cómpre lembrar que en toda Galicia máis de 53.000 alumnas e alumnos cursan no presente curso ensinanzas de FP – 1º ou 2º curso de ciclos de grao medio ou superior, ciclos de FP básica ou programas formativos básicos-, máis do 86% deles en centros públicos.
Cómpre sinalar, ademais, que a Consellería mantén un contacto constante co tecido socio-produtivo de cada comarca para dar resposta á demanda de titulados que solicitan as empresas, o que redunda nunha maior empregabilidade para o alumnado da FP galega e nunha maior e máis axustada cualificación dos traballadores. Neste sentido cabe sinalar, ademais, que o departamento educativo da Xunta de Galicia continúa coa implantación progresiva de proxectos-piloto de FP, unha modalidade especialmente pensada para favorecer o acceso ao mercado laboral dos máis novos.
O prazo de preinscrición nos ciclos comeza o día 17. Os diferentes prazos de matrícula poden consultarse no enlace web http://www.edu.xunta.es/fp/informacion-xeral-admision, dentro do portal educativo.
Novidades na provincia
No referido ás novidades para completar ou diversificar a oferta da provincia, no réxime modular para persoas adultas –modalidade presencial- implantarase o novo ciclo medio de Electromecánica de vehículos automóbiles no CIFP As Mercedes (Lugo). Por outra banda, amplíase a implantación da FP Dual co ciclo medio de Construción, no CIFP Politécnico de Lugo, coa colaboración de varias empresas da provincia.
Pola súa parte, avanza a implantación da FP Básica co novo ciclo de Informática de oficina, que se ofertará no IES Marqués de Sargadelos (Cervo).
Centros da familia profesional agraria
No que atinxe aos centros da familia profesional agraria prodúcese, como único cambio significativo a recuperación do CM Aproveitamento e conservación do medio natural, na CFEA Alta Montaña (Becerreá).
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
