Lugo, 17 de xuño de 2015.- O secretario Provincial do PSdeG, Juan Carlos González Santín, presentou este mércores a súa candidatura oficial á presidencia da Deputación, coa que garantirá a estabilidade que demanda o organismo provincial, unha vez que Gómez Besteiro decidiu deixar este cargo para dedicarse á secretaría Xeral, e faino, sinalou, porque “podo e quero estar á altura”.
“Estou en plenas condicións de facer pública a miña candidatura e fágoo dende a máxima lealdade ao Partido, ao noso secretario Xeral, aos meus compañeiros e ao que decidiron os veciños e veciñas o pasado 24 de maio. Por iso, entendín que este era o momento”. Neste seno, González Santín continuou dicindo: “os que me coñecen saben que non me gusta entrar en circos mediáticos. Creo firmemente que o que temos que facer é ser sensatos e traballar coa máxima honestidade e rigor posible, tal e como nos esixe o Partido do que me sinto profundamente orgulloso”. E é que, tal e como indicou, “os concellos aínda se constituíron o sábado. E isto non é unha cuestión de protagonismos. Cada proceso ten o seu momento”, remarcou.
“Como persoa teño un lema: non vou dicir o que non poida cumprir. Esa é a miña folla de ruta. Son un home de palabra. Por iso falei con todos: co secretario Xeral, ao cal lle agradezo o seu apoio incondicional todos estes anos, cos militantes, cos cargos do Partido e tamén coa familia”. González Santín fixo estas declaracións no transcurso dunha rolda de prensa, na que explicou cal vai a ser o proceso de votación que se desenvolverá mañá xoves, no Hotel Torre de Núñez, a partires das 20:00 horas, e á que están convocados todos os concelleiros do Partido Xudicial de Lugo para elixir aos deputados provinciais que irán na lista do PSOE desta circunscrición.
“Eu cumprín a miña parte”
“Hai aproximadamente un ano e oito meses acadei a confianza do Partido e do secretario Xeral para asumir a secretaría Provincial. Foi un reto ilusionante, no que dende o minuto un lle dediquei tempo, esforzo, traballo e me esforcei por cumprir os obxectivos que se me encomendaron: aumentar o número de alcaldías cualitativa e cuantitativamente, manter a Deputación e mellorar os resultados da provincia. Non fai falta que diga que este reto está superado. Eu cumprín a miña parte”. A este respecto, e dado que “foi un traballo de equipo”, agradeceu “o traballo de afiliados, cargos e da Deputación, pois sen eles, isto non sería posible”.
Deste xeito, e logo de manifestar que “sempre estivo ao servizo do Partido” e “de sentir un enorme afecto” polo mesmo, así como polos alcaldes, concelleiros e militantes, non dubidou en afirmar que “creo que temos que seguir consolidando o excelente traballo levado a cabo por un goberno progresista, e continuar e ampliar o legado que nos deixa Gómez Besteiro. Por iso, xa hai tempo que decidín dar un paso adiante; un paso que foi meditado pero totalmente convencido do que facía, pero que non quixen facer público antes para respectar aos compañeiros e os tempos do Partido”, remarcou.
Máximo respecto a Manolo Martínez
González Santín tamén quixo expresar o seu “profundo respecto” polo outro candidato a presidir o organismo provincial, recoñecendo que “é moi lexítimo” que tamén queira optar a este cargo. “Respecto escrupulosamente a súa decisión e quero recoñecer o seu traballo neste últimos anos na Deputación, así como a súa traxectoria política; un traballo que, sen dúbida, o avala. Por iso, quero deixar claro o meu absoluto respecto por este candidato e amigo”, subliñou.
Deste xeito, tamén fixo referencia á posibilidade de que xurda unha terceira vía que opte á presidencia do organismo provincial. “Neste caso, tamén vou ser claro. Hai dous candidatos: Manolo Martínez e Juan Carlos González Santín. Somos un partido serio, de xente traballadora e honesta, que vai de frente. Non hai ninguén agochado, agardando a pescar en río revolto. Proba delo é que, nas votacións que se levan feito noutros Partidos Xudiciais, todos os concelleiros sabían quenes eran os candidatos a presidir a Deputación”, aclarou.
Votación deste xoves
Para a votación que se levará a cabo este xoves, tal e como explicou, “seguirase escrupulosamente as normas do Partido”. Deste xeito, esta realizarase mediante “voto secreto, en urna, libremente e con transparencia, tal e como fixemos sempre os socialistas”. Segundo o establecido, sairá unha única lista que será a que se presente no Xulgado o día 20 de xuño; a data establecida pola Xunta Electoral de Zona.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
