Terras de Lourenzá fará a Ruta de Burela con Pasada das Cabras

Lourenzá, 18 de xuño de 2015.- A Asociación de Sendeirismo Terras de Lourenzá, convidada por Pasada das Cabras, fará o vindeiro sábado 27 a Ruta de Burela, desde a Serra de Buio ata o Monte Castelo. O percorrido é de 8,2 kilómetros e a dificultade é baixa. A saída terá lugar ás 9 da mañá do Cantón de Vilanova de Lourenzá, e a comida será convite por conta da Asociación Pasada das Cabras. O prezo, que inclúe autobús, é de 5 euros por persoa, e as reservas poden facerse antes das 14 horas do xoves 25 chamando ós números 636 49 64 48 (Marifé) ou 658 09 71 33 (Miguel), ou no correo terrasdelourenza@gmail.com.