Lugo, 17 de xullo de 2015.- A presidenta da Deputación de Lugo, Elena Candia, deu conta este venres dos asuntos tratados na primeira Xunta de Goberno, dos que destacou a materialización dos compromisos asumidos en materia de benestar, e que benefician a máis de 3.000 lucenses.
En concreto, na Xunta de Goberno deste venres aprobouse o incremento de crédito por un importe de 500.000 euros, para o procedemento de concorrencia competitiva dirixido a financiar o Servizo de Axuda no Fogar, de tal xeito que a partida prevista para 2015 pasa dos 700.000 euros contemplados co bipartito ata os 1,2 millóns de euros.
Isto suporá unha duplicación do financiamento do Servizo de Axuda no Fogar con respecto ao que destinaba o goberno anterior a comezos do último mandato, explicou a presidenta da Deputación, quen engadiu que buscan “resolver na maior brevidade posible as solicitudes presentadas e para iso, este paso era previo e, polo tanto, necesario”.
A Xunta de Goberno deste venres tamén fixo o encargo de elaboración da addenda dos convenios de teleasistencia, para poder asinalos na próxima semana cos concellos e deste xeito e dende a Deputación de Lugo financiar integramente o custe do servizo de teleasistencia domiciliaria, que se presta nos fogares da provincia. Ata agora as administracións locais asumían o 50% do servizo.
A Xunta de Goberno deste venres tamén adxudicou a obra de acondicionamento da C.P. LU-P-2204 “De Momán á das Pontes a Porto Souto”, dentro do Plan de Obras e Servizos; así como a prórroga de diferentes convenios que estaban en execución.
Elena Candia puxo en evidencia o normal funcionamento da institución provincial e agradeceu o traballo dos funcionarios da Deputación, que de xeito “responsable e comprometido están a colaborar con nos para que todos os procesos iniciados non se interrompan, nin se ralenticen”.
Sector primario
A presidenta da Deputación tamén se sumou á preocupación “dun dos sectores máis importantes da nosa provincia, eminentemente rural e dende esta institución, coas competencias e limitacións que ten, trasladamos o noso total apoio e dispoñibilidade, como así entendemos tamén que o hai por parte da conselleira. Estamos á disposición dos gandeiros para o que podamos ser de utilidade e entendemos que ata que non se acade un resultado é evidente que todo o traballo é pouco”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
