Cervo, 4 de xullo de 2015. A praia do Torno acolleu este sábadounha actividade de bautismo subacuático organizada polo Concello de Cervo e o Centro de Actividades Subacuáticas Costa Lugo. A concelleira de Medio Ambiente e Turismo, Manuela Méndez, amosouse moi satisfeita de cómo se desenvolveu esta iniciativa.
Manuela Méndez explicou que “o departamento de Medio Ambiente e Turismo do Concello de Cervo desenvolveu este sábado na praia de O Torno, de San Ciprián, unha interesante e atractiva actividade lúdico deportiva de denominada bautismo subacuático, dirixida a persoas maiores de 16 anos e na que se esgotaron todas as prazas dispoñibles. Dita actividade realizouse no marco do programa Bandeira Azul, distinción coa que novamente conta o citado areal sancibrense logo do intenso traballo levado a cabo nos últimos anos por parte do Concello de Cervo para poder recuperar dito galardón turístico e medioambiental, que leva consigo a realización de diversas actividades ao longo do verán, as cales se irán desenvolvendo ao longo das vindeiras semanas e meses”.
A concelleira de Medio Ambiente engadiu que “o programa constou de varias partes, a cada cal máis interesante, que abrangueron aspectos como o mergullo con botella, a explicación dos compoñentes dos equipos de mergullo, nocións sobre bioloxía mariña, etcétera; todo elo coa finalidade de dar a coñecer o noso entorno mariño e máis en concreto o subacuático, potenciar o seu coidado e fomentar a sensibilización cara á conservación do ecosistema mariño. Por suposto, os participantes tamén puideron gozar ao longo da xornada da parte máis práctica e lúdica desta actividade, efectuando diversas inmersións en grupo, contando para elo co apoio e a supervisión do persoal de Protección Civil do Concello de Cervo”.
Manuela Méndez rematou destacando “a aposta decidida a prol do medio ambiente que se está a facer dende o goberno municipal, materializada meses atrás coa posta en funcionamento da estación depuradora de augas residuais (EDAR) de Cuiña, o que posibilita que as augas das nosas costas e praias poidan acadar os máis altos estándares de calidade e aptitude”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
