Luns, 20 de xullo de 2015.- A presidenta da Deputación de Lugo, Elena Candia, presidiu este luns o acto da toma de posesión dos doce traballadores que prestarán servizos na institución provincial e que se encargarán da xestión do Ben Empregado II. “Temos o máximo interese en seguir impulsando esta plan e se están a seguir os prazos ordinarios do procedementos con normalidade e sen darse ningún tipo de paralización no procedemento”.
A presidenta provincial deu a benvida aos seis axentes de Titoría e Dinamización Empresarial, así como ás outros seis axudantes destes axentes, que realizarán labores de titoría, asesoramento e asistencia continuada e específica ás empresas da provincia beneficiaras do Ben Empregado II, así como aos seus traballadores seleccionados a través deste plan.
Candia desexoulles “unha estadía proveitosa nesta institución” a estes profesionais que tomaron posesión como funcionarios interinos, tras superar un proceso por concurso-oposición. A toma de posesión destes doce funcionarios demostra que o traballo nesta institución e co goberno popular “se está a dar con toda normalidade, e a tramitación do plan segue os prazos establecidos, sen darse ningún tipo de paralización”, explicou a responsable da institución.
Candia engadiu que é necesario ter en conta a complexidade deste proceso xa que “estamos a falar de 307 perfís, para os que se rexistraron unhas 1.700 solicitudes, e cuxo prazo de inscrición finalizou o pasado 4 de xullo. “Dende a Deputación temos o máximo interese para que o estudo das solicitudes finalice o antes posible, pero o amplo número de solicitudes é xustificativo desta dilación no tempo. En ningún momento se interrompeu a xestión do goberno e este é un paso máis”.
Unha institución comprometida
A presidenta da Deputación explicou que a “nosa prioridade son as persoas desta provincia, como viñemos demostrando ata agora, prescindindo de gastos superfluos, e o fomento do emprego e o traballo nesta área sempre será un compromiso do goberno popular”.
Por último, Candia quixo agradecer o compromiso dos traballadores e funcionarios da institución que permiten que traballo desta institución “se estea a desenvolver dentro da normalidade”.
PSOE desleal
En relación coas críticas da oposición desde o organismo provincial lamentaron a “deslealdade permanente” na que parece terse instalado o PSOE e que se traduce nun intento permanente de “intoxicación á opinión pública” cuestionando o compromiso do novo equipo de goberno coa creación de emprego na provincia.
“O PSOE en vez de estar pervertendo a realidade e poñendo deberes aos demais tería que explicar como non estableceu os procedementos precisos para dar solución eficaz a este importante número de lucenses que se interesaron por participar no plan. Os participantes poden ter a seguridade de que todo o proceso sairá adiante, a pesar do PSOE, e que a Deputación de Lugo seguirá apostando por medidas para combater o paro, desde a colaboración cos concellos e outras administracións”.
Por último, a presidenta da Deputación criticou o nerviosismo dos socialistas que os está a levar a xerar alarma entre os cidadáns e se houbo desidia e paralización “foi no anterior goberno provincial, que tardaron ata meses en realizar as primeiras contratacións dende que se finalizou o prazo de rexistro da solicitude”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
