A portavoz, Eugenia Requeijo, esixe ao alcalde do BNG explicacións sobre o pago de forma continuada de facturas por riba do límite legal para contratos menores
Muras, 17 de xullo de 2026. A portavoz do PP de Muras, Eugenia Requeijo, preguntou no último Pleno do Concello cando pensa o alcalde dar explicacións aos veciños e veciñas sobre as irregularidades no pago de facturas a gabinetes xurídicos vinculados ao BNG e, especialmente, por manter de forma continuada esta facturación por enriba do límite establecido para contratos menores incumprindo a lei, a pesar das advertencias de Intervención. “O alcalde, Manuel Requeijo, está desviando fondos públicos para empresas amigas do BNG, algo que non se pode tolerar”, sinalou a portavoz popular.
Así, o PP de Muras presentou unha denuncia por un presunto delito continuado de prevaricación administrativa contra o alcalde nacionalista, Manuel Requeijo; toda vez que, sendo coñecedor dos reparos de Intervención, “os levantaba” para seguir permitindo durante anos unha facturación por riba do límite legal eludindo os controis propios da contratación pública e a libre concorrencia.
A popular engade, ademais, que se trata de facturas a favor de sociedades vinculadas entre si e a un deputado autonómico do BNG (partido do rexedor de Muras) por un valor de máis de 387.000 euros dende o ano 2015, data na que accedeu á alcaldía do municipio. “É un gasto altísimo para un concello de menos de 600 habitantes”, segundo manifesta Eugenia Requeijo que tamén remarcou “a duplicidade” que supón porque parte dese traballo de asesoramento xurídico o pode facer a Secretaria.
“Dende o PP de Muras miramos por que se xestione ben o Concello e levamos moito tempo denunciando nos plenos, a través da prensa e nas redes sociais as presuntas irregularidades do alcalde; pero fixo caso omiso. Agora será a Xustiza a que diga o que fixo ben ou fixo mal”, engadiu.
Eugenia Requeijo tamén lembrou que “as empresas contratadas polo alcalde son as que dirixen a asesoría xurídica de Adega en todos os procedementos contencioso-administrativos contra a Xunta polos parques eólicos”. Polo que aseverou que “dependendo dos concellos, ao BNG interésanlle os eólicos ou non. Neste caso interesan para sacar un gran proveito en facturas abonadas a gabinetes xurídicos vinculados ao BNG, pero noutros concellos paralizan todo”.
“O alcalde retirou o recurso que interpuxo contra a Xunta obviando supostas infraccións medioambientais por intereses propios na negociación coa empresa eléctrica”, subliñou a popular, quen tamén se pregunta se realmente había infraccións medioambientais ou era unha estratexia por puros intereses políticos.
A voceira do PP remarcou que o alcalde “gasta o diñeiro en asesoramento xurídico co pago de facturas de empresas vinculadas ao BNG e vinculadas aos recursos contra a Xunta polos parques eólicos”, insistindo en que debería “pensar máis no beneficio dos veciños e veciñas de Muras e non nos seus intereses propios ou do seu partido”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
