Burela, 17 de xullo de 2026. As obras de canalización que se están a executar no Porto de Burela chegarán o vindeiro luns, 20 de xullo, ao cruce da Moncloa (antiga Cruz Vermella), que quedará completamente cortado ao tráfico.
Esta actuación implica que dende primeira hora da mañá non será posible acceder ao porto dende a rúa Eijo Garay. Ademais, tampouco se poderá pasar directamente entre o porto norte (zona da Confraría) e o porto sur (ABSA) a través da zona portuaria.
Como consecuencia, o acceso ao porto norte deberá realizarse pola avenida da Mariña, mentres que ao porto sur se accederá pola rotonda da avenida de Pomeda.
Co obxectivo de facilitar a circulación, o Concello desviará o tráfico da rúa Eijo Garay cara á rúa Leandro Cucurny, do mesmo xeito que se fixo durante as Festas de Burela deste ano.
Por outra banda, na zona de Portos cortarase o tráfico xeral na rotonda de ABSA. Non obstante, a empresa encargada das obras informa de que se permitirá o paso aos vehículos que necesiten acceder ao varadoiro ou Armón.
A rúa Gloria da Corneta permanecerá aberta ao tráfico, mais lémbrase que non está permitido acceder desde esta vía á rúa Eijo Garay por dirección prohibida. O Concello reforzará a sinalización na contorna e insiste en que existe videovixilancia do tráfico na zona.
A duración estimada das obras nesta zona é de aproximadamente dous meses. Porén, segundo trasladou a empresa responsable da actuación, nun prazo de entre sete e dez días valorarase a posibilidade de habilitar un carril de circulación, en función da evolución dos traballos.
Dende o Concello continuarase informando sobre a evolución das obras e adaptando as medidas de tráfico da súa competencia no casco urbano, en colaboración coa empresa encargada da actuación na zona portuaria.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
