En Xove somos xente seria. Díxeno moitas veces e volvo repetilo: somos xente formal. E por esta razón desde o grupo municipal nacionalista adoitamos valorar con responsabilidade as poucas proposicións que o equipo de goberno leva a pleno. Esta é a razón de que, hai xustamente trinta e dous días, decidíramos apoiar a proposta da alcaldía sobre o desempeño do seu cargo con dedicación exclusiva e coa retribución máxima que permite a lei para o noso concello: 40.000 euros ao ano. Un salario máis que digno. Pensamos nós.
Ese mesmo día nese mesmo pleno, accedemos a unha segunda dedicación exclusiva para o cargo da terceira tenente de alcalde e delegada de agricultura, gandería, montes, cultura e educación. Esta retribución supón 32.992 euros anuais. Outro salario máis que digno. Tamén. Pensamos nós.
Por onde non pasamos foi pola aprobación doutras dúas dedicacións parciais a maiores. Aí plantámonos. Pero sen personalizar en ningún momento. Rexeitámolas porque fomos xenerosos e o goberno local tería que entender que dúas liberacións políticas cunhas espléndidas retribucións deben ser suficientes nun concello de tres mil habitantes. Aínda que os populares usaron a súa maioría absoluta para pasar por riba dos nosos argumentos e admitilas sen máis, tras repetir como unha ladaíña unha única frase: “Por consideralo preciso para o bo servizo dos veciños”.
Agora iso xa cambiou. Si, xa virou o vento. Parece que agora vén de sur. Algo que semellou acontecer tras decidir o noso alcalde, de xeito repentino, que Xove xa non necesita un rexedor con dedicación exclusiva. E por intereses persoais, deixando de lado a súa promesa de traballar a tempo completo polos veciños de Xove, o primeiro edil vai “compatibilizar” o cargo de alcalde (cunha dedicación parcial de 20.000 euros/ano) co de Deputado Delegado na Deputación de Lugo (con outra dedicación parcial de 25.737 euros/ano). Dietas, gastos de quilometraxe e trienios de antigüidade aparte.
Este é o perfecto exemplo de que en pouco máis dun mes, e por comenencia propia, este político buscou gañar 45.737 euros anuais en troques dos 40.000 como máximo que pode percibir como alcalde a tempo completo. E todo por pouco máis de cinco mil euros ao ano de diferenza.
Marco López
(Voceiro Nacionalista en Xove)
21/VII/2015.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.