Ribadeo, 15 de xullo de 2015.- O alcalde, Fernando Suárez, asinou un bando animando á xente a acudir a Santiago o vindeiro venres, 17 de xullo, á manifestación en defensa e a prol da supervivencia do sector leiteiro galego. Os interesados en asistir deberán anotarse na cooperativa Os Irmandiños ou nos sindicatos agrarios convocantes para acudir no autobús que facilita a dita cooperativa. Si ese medio non fose suficiente desde o Concello habilitaríanse máis medios de transporte público. Suárez Barcia e o equipo de goberno tamén presentaron unha moción para o seu debate en pleno en defensa do sector lácteo galego.
O rexedor dixo que “a situación pola que está atravesando o sector leiteiro galego é inédita, é das peores que se recordan e non se albisca ningunha melloría no futuro inmediato. De aí que a xente está profundamente preocupada”.
Suárez Barcia lembrou que “en Ribadeo o sector leiteiro era moi potente en anos anteriores e agora, nestes últimos tempos, está totalmente modernizado, con moita cabana gandeira, aínda que hai moita xente que o foi deixando. Pero non por iso queremos deixar de apoiar a todo este sector, que segue sendo importante e segue movendo moitos recursos”.
E engadiu: “de aí que dende o Concello de Ribadeo emitísemos un bando animando a que toda a xente que así o desexe acuda a esta manifestación que vai ter lugar este venres, día 17 de xullo, en Santiago de Compostela. Precisamente o que se pretende é instar ao Goberno galego ao Goberno do Estado a fin de que, a través de todos os mecanismos de que dispoñan, apremen ás industrias e aos primeiros compradores a garantir a recollida de todo o leite que se produza nas explotacións galegas. E tamén para instar ao Goberno galego para que garanta a percepción dun prezo do leite en orixe xusto e que cubra os gastos de produción, porque non ten sentido que os gandeiros estean vendendo o leite practicamente pola metade dos custes de produción, que xa están axustados desde hai moitos anos por esas fortes adaptacións e sendo as explotacións gandeiras galegas punteiras a nivel estatal e, se cadra, a nivel europeo tamén”.
Fernando Suárez contou que “de Ribadeo vai saír un autobús, que oferta a cooperativa Os Irmandiños, e tamén, se é necesario porque ese autocar se quede pequeno, desde o Concello habilitaríamos máis transporte público. Estamos en coordinación co Sindicato Labrego Galego para que esta manifestación do venres sexa masiva e serva para dar un toque de atención aos que teñen a capacidade para cambiar as cousas”.
Ademais o equipo de goberno presentou unha moción para o seu debate e aprobación no pleno do Concello para que este se comprometa firmemente coa defensa do sector lácteo e para que faga unha serie de peticións ao Goberno Galego e ao Goberno do Estado de cara a garantir a recollida de todo o leite que se produza nas explotacións galegas, así como a percepción dun prezo en orixe xusto e que cubra os gastos de produción, entre outras cousas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
