Madrid, 23 de xullo de 2015.- O Ministerio de Fomento vén de respostar á deputada do BNG no Congreso, Rosana Pérez, que aínda convocou o concurso para solucións anti néboa para a A-8 hai menos dun mes, o pasado 27 de xuño.
Deste xeito, sinala a deputada do BNG fica “en evidencia que se deixou pasar todo o outono e o inverno até chegar ás datas nas que esa zona da A-8, entre Mondoñedo e Abadín, acostuma encherse de néboa”. Lembra a deputada do BNG, que “levamos pedindo solucións técnicas e non paneis, desde o terríbel accidente sucedido en xullo do ano pasado no Alto do Fiouco”. Recorda que o BNG trouxo en setembro do ano pasado unha proposición ao Congreso na que se pedía precisamente a adopción de medidas técnicas con carácter urxente para evitar chegar á primavera e verano coa mesma situación de continuos cortes na A-8. “Máis o PP rexeitouna alegando que xa o Ministerio estaba a traballar no tema”.
Os anuncios de Fomento “sempre perto das eleccións”
Rosana Pérez critica que Fomento se limitase este inverno a instalar carteis de sinalización “de alta reflectancia e 50 novas sinais verticais para a limitación da velocidade a 80 km; instalou 8 novas sinais verticais de vento, 2 novos paneis de mensaxe variábel, dous novos tramos de fibra óptica con instalación de 3 novas estacións meteorolóxicas na zona, e 5 novas cámaras de TV; ademáis de balizas”, segundo explica o Ministerio na súa resposta ao BNG.
A deputada do BNG sinala que “Fomento sabía perfeitamente que a solución non estaba nas balizas, nin nos carteis nin nos paneis e nas cámaras de TV, que poden contribuir a reforzar a seguridade pero non aportan visibilidade para conducir por ese tramo da A-8. Desde o ano pasado está claro que as medidas deben ser doutro calado, solucións técnicas máis desenvolvidas tecnolóxicamente. Do contrario, estaremos nas mesmas como leva acontecendo desde o mes de abril: peches da autovía”.
Neste sentido, pón de manifesto que Fomento xa anunciara o concurso de ideas de innovación e desenvolvemento en outubro do ano pasado, “máis aínda o convoca agora, antes das eleccións. Xa sabemos que os anuncios de Fomento sempre se fan perto das elecións”.
Ademáis, a deputada nacionalista reprocha ao Ministerio que non aclare os prazos temporais para rematar o concurso e só explica que consta de dúas fases sucesivas: “a consulta ao mercado que permita coñecer solucións que poidan plantexarse” e o “procedemento de Compra Pública Innovadora”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
