Barreiros, 22 de xullo de 2015.- O Bloque Nacionalista Galego ten convocada para este mércores unha reunión veciñal no Teleclub da Rilleira. Será ás 21:30 e pretenden que sexa a primeira das reunións ás que convocarán a veciñas e veciños cada vez que haxa pleno municipal. “Trátase de achegar a vida municipal á xente, de informar dos asuntos que se tratarán no pleno e tamén de recoller as necesidades que as veciñas e veciños consideren que se deben tratar alí”, explica a portavoz municipal Ana Ermida. Nestas reunións, ás que se convoca a todas as veciñas e veciños do concello e que irán realizándose nas distintas parroquias ao longo do ano antes de cada pleno, o BNG explicará as mocións ou iniciativas que levará ao pleno municipal e recollerá tamén as aportacións que as veciñas e veciños fagan para trasladalas á cámara municipal.
“É un xeito de darlle participación o máis directa posible á xente, mentres non sexa posible que poida tomar parte nos plenos”, explica. Precisamente, o BNG rexistrou unha moción para que se inclúa no debate do vindeiro pleno sobre a elaboración dun regulamento de participación veciñal. “Trátase dunha obriga dos concellos, regular a participación directa das veciñas e dos veciños nos plenos. Que poidan falar, que o pleno serva para escoitar as demandas da xente e tratar de resolver os problemas desde o concello, a institución máis próxima ás persoas”, é o que pretenden desde o grupo municipal do BNG.
A formación nacionalista insta ao concello barreirense a elaborar un regulamento de participación veciñal neste mesmo ano para garantir que entidades, asociacións e colectivos poidan ter participación nos plenos en asuntos de interese para as mesmas; pero tamén que as veciñas e veciños individualmente poidan solicitar participar nas sesións plenarias. “Trátase de democratizar un mínimo este concello: que as veciñas e veciños vexan que os plenos municipais son públicos e poden ser utilizados para trasladar os problemas da xente. De actuar con transparencia e con valentía, afrontando as problemáticas que poidan existir de xeito responsable”, aseguran.
A situación do sector lácteo tamén se tratará no pleno barreirense
Ademais da moción de participación veciñal, o BNG ten rexistrada unha moción sobre a situación que está a atravesar o sector lácteo que, en Barreiros, pasou de rexistrar preto dun cento de explotacións con cota hai dez anos a 53 a primeiros da tempada do 2014, “que seguramente neste momento xa sexan menos”, asegura Ana Ermida.
“Cremos que o pleno dun concello tamén ten que valer para isto: para sacar posicionamentos públicos de apoio a un sector tan importante no noso concello como é o sector lácteo e facer toda a presión posible para que os gobernos galego e estatal, que son quen teñen competencias para poder actuar, tomen en serio o problema e se poñan a traballar para solucionalo e non se dediquen a minimizar a situación e faltarlle así ao respecto ás gandeiras e gandeiros deste país, que están a pasar por unha situación dramática”, afirman desde o BNG.
Desde o BNG piden que se traslade aos gobernos galego e estatal que se poñan en marcha os mecanismos precisos para garantir un prezo xusto polo leite en orixe, que garantan a recollida do leite e que se sancione aquelas grandes áreas de distribución que utilicen o leite como reclamo vendéndoo por debaixo do custe do mesmo.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
