A Mariña, 16 de xullo de 2015. O BNG mariñao reclama a suspensión da decisión tomada pola DGT de trasladar a Lugo os exames teóricos de conducir que se viñan facendo na comarca dende hai décadas. A portavoz comarcal nacionalista, Ana Ermida, anunciou o rexeitamento frontal do BNG a esta decisión e a disposición da organización a sumarse ás iniciativas, sexan institucionais ou sociais, que teñan como fin o mantemento ou mellora deste servizo na comarca e en concreto na vila de Foz. Desde a formación nacionalista anunciaron que levarán o problema ao Congreso para pedir explicacións e a paralización da medida que de momento xa afecta a varias comarcas galegas.
Para a formación nacionalista esta medida vai na liña das tomadas polos gobernos galego e estatal de centralizar servizos nas capitais de provincia, desmantelando estruturas e servizos comarcais que se afastan da xente sen pensar nas consecuencias, poñen por diante o ideoloxismo centralizador do PP e non a calidade de vida das persoas con servizos próximos á súa residencia. Ana Ermida puxo como exemplos desta política a centralización provincial de servizos como o de facenda, xudicial, sanitario e mesmo a reforma da administración local que rouba servizos aos concellos para darllos ás deputacións provinciais.
O BNG mariñao rexeita de maneira frontal esta medida polo que se vai sumar a todas as iniciativas que xurdan, ben non campo institucional ou social, para reclamar da DGT a paralización desta medida e mesmo a mellora do servizo na comarca dispoñendo un servizo de exames informatizado como teñen na capital provincial que está servindo de escusa a algún directivo da DGT para suspender o servizo en varias comarcas galegas.
Ana Ermida cualificou de insultante que a DGT obrigue a mariñás e mariñaos a desprazarse mais de 100 quilómetros da comarca para facer este trámite coas dificultades en gastos e tempo que isto trae consigo, ao tempo que que o mesmo organismo aplica políticas recadatorias como solución aos problemas de cortes por néboa no tramo do Fiouco da A8, mentres o Ministerio de Fomento segue adiando solucións definitivas para esta autovía e as outras estradas convencionais da súa competencia continúan nun estado lamentábel sen que as anunciadas melloras se poñan en práctica.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
