Barreiros, 16 de xullo de 2015. O Bloque Nacionalista Galego levará ao pleno de xullo unha batería de preguntas sobre a actual situación das praias e dos servizos que nelas se prestan, incluído o de socorrismo.
Para o grupo municipal nacionalista ven sendo unha preocupación constante o xeito de xestionar turisticamente o concello e, nomeadamente, a planificación que se fai dos traballos relacionados cos areais. “Coas últimas novas, onde nos enteramos que a persoa que coordina desde hai vinte anos o servizo de socorrismo deixa de facelo por discrepancias co sistema, ratifícase o que desde o BNG vimos dicindo hai anos”, asegura a portavoz municipal, Ana Ermida.
“En Barreiros non existe planificación nin traballo preparatorio de algo tan básico como a adecuación dos areais para a temporada de verán. Cada ano vemos como os traballos se fan máis tarde e peor e, parece ser, que se lle impide traballar a quen máis pode saber e coñecer as necesidades”, explican.
Neste sentido, desde o BNG lembran que non asistiron ao izado das bandeiras azuis por discrepancias evidentes no xeito de xestionar a política turística e, nomeadamente, as actuacións nas praias. “E o tempo ven a darnos a razón. Vemos como non existe planificación nos traballos, como se actúa por impulsos e en función das peticións que se lle fan chegar ao concello e, en moitas ocasións, ignorando a propia normativa elaborada polo mesmo goberno. É absolutamente desastroso e amosa que incluso cuestións rotineiras e que sempre hai que facer na mesma época se abandona e se deixan sen facer”, afirman desde o BNG.
Arealonga, o exemplo visible da deixadez municipal
Para o BNG, a nula xestión e a falta de capacidade do goberno municipal para afrontar este tipo de cuestións escenifícanse visualmente na praia de Arealonga. “A que foi unha praia de referencia, con preto de dous quilómetros de areal que sempre estaba ateigada de xente, mostra a día de hoxe un estado de abandono total, levando anos con un rego de augas fecais que provén da depuradora que desemboca directamente na praia”, explica Ana Ermida. “Esta situación xa supuxo a perda do galardón bandeira azul, pero este ano súmase unha falla de medidas para rexenerar o areal que están sen tomar a estas alturas e que todo apunta que se iniciarán en breve, en plena tempada de verán; poñendo o broche ao despropósito que é este goberno municipal tamén nesta materia”, sentencian desde as filas nacionalistas.
O servizo de socorrismo, en entredito pola incapacidade do goberno municipal
Para o BNG é preocupante a situación na que se atopa o servizo de salvamento e socorrismo de Barreiros como consecuencia da falta de capacidade do alcalde, Alfonso Fuente e do seu equipo para xestionar algo tan habitual como é o socorrismo. “Un servizo que sempre se caracterizou pola eficacia e o bo facer das persoas que forman parte do mesmo”, aseguran. “Porén, agora mesmo, a incapacidade do goberno municipal, co alcalde á cabeza, puxo en perigo o servizo e, polo tanto, as persoas usuarias dos areais”, continúan.
“Xa nos temos interesado noutras ocasións polo sistema de contratación deste servizo, para o que non existe convocatoria pública de emprego nen probas de selección que acrediten as capacidades das persoas que van ocupar eses postos”, explican desde o grupo nacionalista.
“E neste momento, o servizo de socorrismo das praias de Barreiros atópase nunha situación de interinidade, sen persoa coordinadora a tempo completo e sen ter cubertos postos cruciais para poder prestar todos os servizos, igual que xa aconteceu no pasado verán coa ambulancia que pasou parte da tempada sen poder moverse por falta de persoal capacitado”, afirma Ana Ermida.
Desde o BNG insisten en solicitar do goberno municipal “a máxima implicación para dotar as praias de Barreiros dun servizo adecuado ás necesidades e que garanta a seguridade nos areais, nunha tempada que xa se amosou complicada e que agardamos que non haxa que lamentar males maiores”, insisten.
A formación nacionalista lamenta “que o alcalde se desviva por aparecer en actos en areais que non son da súa competencia e teña os oito quilómetros de praias de Barreiros totalmente desatendidos e sen os servizos básicos.” Por iso, pídenlle “seriedade e que se centre en poñer a Barreiros a funcionar e lograr que se converta en referencia turística por si mesmo, sen necesidade de buscar protagonismos onde non lle corresponden”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
