Ante reiteradas queixas de veciñas e veciños de Trabada, pola calidade do servicio de Correos que se ven prestando, esta Alcaldía, en exercicio das competencias legalmente otorgadas polos artigos 21 da Lei 7/1985, reguladora das bases do réximen xeral e artigo 62 da Ley 5/1997, de Administración Local de Galicia, entende necesario reclamar de novo á Sociedade Estatal de Correos e Telégrafos a recuperación dos servizos existentes no Concello de Trabada anteriores ás medidas de recorte efectuadas nos anos 2013, 2014 e 2015.
Durante este anos estase levando a cabo un proceso de privatización dos servizos públicos, pero non se pode facer sempre a costa dos mesmos, que son os traballadores e os usuarios dos servicios públicos.
O Concello de Trabada asume o gasto do aluguer da oficina de Correos, o que supón un importe mensual de 253,47€, o que supón un importe anual de 3.041,64€ e a maiores tamén asumimos o coste da luz, que ascende a unha cantidade de 300€/anuais.
Polo tanto, non é razonable, que logo de asumir ese gasto, se limite o tempo de apertura da mesma durante media hora, así como que soamente unha persoa faga o reparto de correo, tendo en conta que a superficie do noso concello é de 82km² e que conta con núcleos de poboación moi dispersos.
No pleno ordinario do 21 de novembro do 2014, recolleuse o rogo a proposta do grupo municipal socialista, “Para que o alcalde de Trabada defenda e garanta os servicios públicos dos veciños no Concello de Trabada opoñéndose á situación imposta ós traballadores de Correos deste Concello.
Dende o 1 de Novembro do presente, suprimiuse unha praza no noso Concello e polo tanto é un posto de traballo menos, quedando reducido o servicio prestado prácticamente á metade, posto que aínda que quedan dúas prazas en Trabada, aumentouse a carga de traballo e un empregado ten que facerse cargo do reparto nunha parroquia no Concello de Lourenzá, en concreto, San Xorxe. Esta insuficiencia da plantilla está tendo un impacto moi negativo nas condicións de traballo do persoal fixo xa que están sendo cambiados constatemente de zona de reparto mermando así a súa capacidade productiva.
Por outra banda non se contrata persoal temporal para as sustitución de vacacións. Este é o comportamento da Dirección de Zona e da Xefatura Provincial.
En consecuencia, esta perda de emprego e de servicios públicos, tradúcese na imposibilidade de realizar o recorrido do reparto diario de correspondencia no noso Concello, sendo os máis prexudicados os veciños das parroquias e os distintos núcleos das zonas rurais.
Desta forma, incúmplese a Lei 43/2010 que regula o servizo postal universal, os dereitos dos usuarios e o mercado postal, que no seu artigo 24 “Condiciones de distribución y entrega de los envíos postales” recoñece que as entregas se practicarán, polo menos, tódolos días laborables, de luns a venres.
Polo exposto anteriormente, a xestión totalmente mercantilista de reparto que realiza a Dirección de Zona e a Xefatura Provincial sitúanos nun entorno que se pode calificar como abandono das obrigas públicas do operador postal en materia de reparto.
Denunciamos que o alcalde non se teña manifestado públicamente ante esta perda de servicios públicos que afecta a toda a veciñanza e que prediquen austeridade para recortar o público, mentras que dende o Concello todos contribuimos ao pago do aluguer da oficina de Correos. Sin embargo non defende os dereitos de tódolos veciños en xeral e dos traballadores, neste caso.
Lamentamos profundamente que a Dirección de Zona e a Xefatura Provincial, dende a súa condición de empregados públicos e xestores dunha empresa pública e rentable coa encomenda de prestar un servicio público universal, o postal, non contribúan á mellora do emprego pese a que é totalmente necesario para que Correos cumpla coa súa obriga social.
Dende o Grupo Municipal Socialista rogámoslle ó alcalde para que manifeste públicamente o apoio ós empregados de Correos do noso Concello opoñéndose á amortización de dita praza e medie para garantir os dereitos laboráis dos/as traballadores/as públicos/as xa que son necesarios para prestar un bo servizo ós veciños, o cal, se recoñece por lei.”
E polo anteriormente exposto, solicítase que se preste o servicio de atención na oficina de Correos de Trabada, como se viña prestando e asimismo, se proceda ó aumento de persoal para poder prestar un bo servizo ós veciños.
Mayra García Bermúdez, alcaldesa de Trabada.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
