Burela, 20 de agosto de 2015.- Este xoves deron comezo as obras de remodelación da praza da Mariña. O alcalde, Alfredo Llano, agarda que estean listas para a celebración da Feira do Libro.
O rexedor explicou que este xoves “comezaron as obras na praza da Mariña, pois é unha das cuestións que queremos levar a cabo con certa presa xa que é unha praza singular, moi visitada polos veciños de Burela. E evidentemente nestes últimos catro anos non estivo para nada coidada, bastaba ver o estado do quiosco da música, que estaba completamente abandonado”.
Llano dixo que “a nosa intención é deixala lista antes do 29 deste mes, porque ese día comeza a Feira do Libro e vai ser nesa praza, polo tanto queremos que estea perfectamente vistosa e arranxada para celebrar algo tan importante como é a Feira do Libro”.
E engadiu que “se vai facer unha mellora integral en toda a praza, que vai consistir en pintar a antiga praza de abastos, sobre todo a parte dianteira, onte están as columnas dunhas cores que esperemos que queden ben e se relacionen co noso pobo como unha localidade marítima. Tamén vamos pintar o quiosco e vamos colocar unha serie de fotos antigas en diversas zonas da praza para darlle vistosidade e ao mesmo tempo homenaxear a esta xente que foi mariñeira no seu día e que seguro que van lembrar moitas cousas aos veciños de Burela”.
Resposta ás críticas populares
Alfredo Llano aludiu ás acusacións realizadas nas últimas datas polo voceiro do PP no Concello sobre os cursos para desempregados e sobre a brigada de loita contra os incendios.
O alcalde puntualizou que “hai tres cursos que se ían impartir no Centro de Formación do Concello de Burela. Un deles era destinado a persoas que se querían formar en turismo, algo que ten moita importancia na Mariña, pero evidentemente non é que o alcalde tivese a intencionalidade ou fixera mal as cousas para evitar que se puidese dar este curso no tempo previsto. O que ocorre sinxelamente é que non hai alumnos para este curso, debido a que hai que ter en conta que a xente á que lle pode interesar este tema agora mesmo, nestes meses de xullo, agosto e setembro, están traballando naquelo no que realmente son profesionais”.
Alfredo Llano explicou que “o que ocorreu é que, por un lado, a Xunta tardou moito tempo en ofertar este curso e encima faino cun tema que ninguén solicitou, xa que nós tíñamos pedido outro tipo de cursos porque este de turismo é moi bo para dar noutras datas, como por exemplo xaneiro, febreiro ou marzo, cando a xente pode acudir a ese curso e formarse para o verán. Aí é cando realmente se precisa ter os coñecementos ao día para poder ofrecer o mellor servizo posible á xente que nos visita e tamén á de aquí”. E insistiu: “polo tanto o alcalde de Burela non tivo ningunha culpa. O único que fixen pola miña parte foi procurar que eses cursos foran todos para diante. De feito onte comezouse un de monitor de tempo libre con total normalidade e o martes vai empezar un de auxiliar administrativo, que tamén se vai impartir porque hai xente dabondo apuntada incluso para dous cursos. Isto significa que ese tipo de cursos si encaixan ben. Para estes dous hai moita xente en reserva”.
Sobre a brigada de loita contra os incendios o rexedor burelés dixo que “ano pasado o que fixo o señor Barcia, irresponsablemente, foi darlle a unha empresa esta responsabilidade, co cal gastou moitísimo máis do que lle correspondería. En cambio nosoutros este ano organizamos, seleccionamos e preparamos a todo o persoal e consecuentemente aforramos moitos cartos ao Concello. O ano pasado encargóuselle a unha empresa facer este traballo, non houbo ningún tipo de responsabilidade na contratación do persoal, pero pagouse un 21 por cento máis, soamente de IVE, porque ademais houbo outras cousas que se pagaron aparte. E evidentemente iso trouxo consigo un gasto a maiores. E hai outra cuestión tamén importante sobre este asunto: por esa contratación que se fixo con esa empresa estiveron dez días no Concello sen ningún tipo de firma de convenio nin doutro documento legal para que se puideran poñer a traballar”.
Alfredo Llano pídelle a José Mª González Barcia que “non veña dando leccións, que se preocupe máis de axudarlle á xente de Burela máis que de poñer cambadelas e de sacar temas que realmente non lle importan a ninguén. Está dando un nivel que non lle corresponde á xente que nos dedicamos á política; ten que reflexionar e cando faga unha valoración debe realizala sempre pensando no ben común da xente de Burela, pero nunca en prexuízo de persoas físicas ou de asuntos persoais. Non está á altura do que a política municipal precisa”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
