Foz, 5 de agosto de 2015.- Este xoves, día 6, ás 20.30, na Casa da Cultura Poeta Manuel María de Foz terá lugar a derradeira charla das Xornadas de Historia Local que tódolos anos organiza a asociación cultural A Pomba do Arco. Neste caso o relatorio correrá a cargo do antropólogo e doutor en Historia Xosé Manuel González Reboredo. Nesta charla, titulada “Crenzas e ritos na Mariña” o profesor vai tocar varios temas da relixiosidade popular galega, así por exemplo informará da antigüidade de moitos dos santos titulares das parroquias galegas, do proceso de galeguización que sufriron santos foráneos, como por exemplo aconteceu cos casos dos santos de San Xiao, San Mamede, Santa Mariña ou Santa Eufemia.
O profesor tamén informará sobre as diferenzas existentes entre o santoral do norte e do sur de Galicia, abordando en profundidade as causas desas diferenzas.
Despois dun breve repaso sobre o santoral da Mariña de Lugo centrarase e explicará a razón do santoral elixido polas parroquias de Santa Cilla, Santo Acisclo e San Martiño. Cal é a orixe destes santos, de ónde ven o seu culto, cando se implanta en Galicia e por qué son elixidos por estas parroquias focegas.
Rematará o citado profesor expoñendo o caso particular da parroquia de Foz e como se pasa do vello culto de Santiago ata o novo culto de San Lourenzo e a importancia, así como a orixe, do culto que o pobo de Foz, de igual maneira que tódolos pobos mariñeiros, á Virxe do Carme.
O profesor Reboredo é unha das grandes referencias dos estudos no ámbito antropoloxía en Galiza, tal e como o testemuñan as numerosas publicacións e premios dos que foi obxecto. O seu estudo sobre os santos titulares de Galicia foi galardoado co premio Vicente Risco de Ciencias Sociais na convocatoria do ano 2012.
Unha moi interesante charla que poñerá fin a estas XX Xornadas de Historia Local que coma tódolos anos organiza a asociación cultural A Pomba do Arco.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
