Alfoz, 26 de agosto de 2015.- Por Resolución de Alcaldía de día 20 de agosto de 2015 foron aprobados os Pregos de Cláusulas Administrativas Particulares e de Prescricións Técnicas que han de rexer na seguinte licitación:
1. ENTIDADE ADXUDICATARIA
a) Organismo: Concello de Alfoz.
2. OBXECTO DA LICITACION
a) Descrición do obxecto: A concesión da explotación do servizo de “CAFETERIA NO CENTRO SOCIO-CULTURAL, XUVENIL E DA TERCEIRA IDADE”.
b) Lugar de execución: A prestación do servizo realizarase nas dependencias e lugares indicados no prego de condicións técnicas.
c) Prazo de execución: A duración da concesión será de CINCO ANOS contados a partir da data de formalización do contrato, podendo ser prorrogado por cinco anos máis.
3. TRAMITACIÓN, PROCEDEMENTO E FORMA DE ADXUDICACION
a) Tramitación: Ordinaria.
b) Procedemento: Aberto.
c) Forma: Concurso.
4. ORZAMENTO BASE DE LICITACION
a) Canón: 3.000,00 euros anuais máis o IVE correspondente.
5. GARANTIA DEFINITIVA
Contía: 4 % do prezo de adxudicación.
6. OBTENCION DE DOCUMENTACION E INFORMACION
a) Perfil do contratante: http://concellodealfoz.sedelectronica.es
b) Entidade: Concello de Alfoz.
c) Enderezo: A Seara, s/n – 27773 Alfoz
d) Teléfono: 982.55.85.81
7. PRESENTACION DAS OFERTAS
Entregaranse na Secretaría municipal durante o prazo de doce días naturais, de dez a trece horas, a contar dende o seguinte o da publicación deste anuncio no Boletín Oficial da Provincia de Lugo.
8. APERTURA DAS OFERTAS
Terá lugar as doce horas do quinto día hábil seguinte o do remate do prazo de presentación de proposicións.
9. CRITERIOS BASE PARA A ADXUDICACION
Os establecidos no prego.
10. GASTOS DE ANUNCIOS
Serán pola conta do adxudicatario.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
