Burela, 4 de agosto de 2015.- A edil delegada de Economía e Facenda en Burela, Patricia Otero, explicou este martes que o Concello paga as facturas aos seus provedores nun prazo de 28,15 días. Con esta aclaración a concelleira respondeu á “información terxiversada enviada os medios de comunicación por parte do grupo municipal popular de Burela, referente ós prazos nos pagos ós provedores”.
“Queremos facer as seguintes puntualizacións, baseándonos en datos obxectivos, publicados e comunicados ó Ministerio de Facenda e Administracións Públicas, en cumprimento da Lei 15/2010, de 5 de Xullo, de modificación da Lei 3/2004, de 29 de Decembro , pola que se establecen as medidas de loita contra a morosidade nas operacións comerciais: en primeiro lugar, o período medio de pago global a provedores no segundo trimestre do exercicio de 2015 foi de 28,15 días; prazo este, que como sabe o grupo municipal do PP, está por debaixo do período de 30 días que marca a lei. Non obstante, dito prazo de pago a provedores no primeiro trimestre do ano corrente ascendeu a 30,48 días. Polo tanto, é totalmente falsa a afirmación realizada polo PP, que literalmente dicía alertamos de que comeza a haber retrasos nos pagos a provedores con respecto a hai tres ou catro meses”, engadiu Patricia Otero.
Ademais a concelleira de Economía e Facenda recórdalle ó PP que “dita información contable foi incluída como dación de conta na orde do día do pleno ordinario da corporación municipal, na sesión celebrada en data 30 de xullo de 2015. Por certo, un pleno perdido, segundo as conclusións publicadas polo grupo popular. Ó mellor teño que darlles a razón de que foi un pleno perdido para os concelleiros populares, xa que non foron nin sequera capaces de ler a información subministrada, e digo ler xa que aquí non cabe ningún tipo de interpretación pois estamos a falar de datos numéricos obxectivos”.
Otero tamén aclarou que “cando tomamos posesión atopámonos cunha cantidade de facturas (herdadas do anterior equipo de goberno), moitas das cales non sabíamos a que servizos, subministros ou obras se referían; e nalgúns casos era moi difícil que o chegáramos a saber porque simplemente ditos contratos non existían, como é o caso, entre outros, dun acordo verbal pola prestación de servizos deportivos ou noutros casos por tratarse de contratos que prescinden dos procedementos legalmente establecidos, como é o caso dun contrato vixente durante o primeiro semestre de 2015, pero para cal o crédito xa se esgotara en decembro de 2014 (barco museo). Por elo temos unha gran labor por diante para intentar regularizar estes contratos de subministros e servizos, que ou ben non existían ou ben adoecen de importantes defectos”.
Por todo o anteriormente exposto a edil de Economía solicita ao grupo municipal popular de Burela “maior seriedade e rigorosidade cas afirmacións que fai, xa que hai datos obxectivos que contradín a súa versión dos feitos, datos oficiais comunicados e rexistrados no Ministerio de Facenda e Administración Públicas. Polo tanto, datos certos e obxectivos”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
