Burela, a 17 de agosto de 2015.- O Grupo Municipal Popular (GMP) de Burela afirmou este venres que “as obras do acceso ó porto van a bo ritmo, dado que está moi avanzada a construcción do desvío da línea de ferrocarril”, cuestión que puideron constatar hoxe o portavoz do grupo, José María González Barcia, e o edil José Casas Martínez.
Ademais, “estanse levando a cabo as obras previas necesarias para logo entroncar todas as canalizacións que veñan do acceso ó porto á rede xeral que existe no muelle do Berbés xusto na zona a onde chega o novo vial, e na que hai unha grande concentración de canalizacións de servicios públicos, como saneamento, enerxía eléctrica, etc.”, indicaron desde o GMP.
O portavoz do GMP, José María González Barcia, asegurou que “o novo trazado da vía do ferrocarril é fundamental para continuar coa obra, xa que deste desvío depende todo o demáis; está xa colocada unha boa parte da nova vía, e xa se repuxeron os servicios de saneamento afectados. Calculamos que nun mes o desvío do ferrocarril pode estar rematado”.
Barcia e Casas consideran que “a este paso, as obras poden estar rematadas en prazo, dentro da primavera próxima, sempre e cando a climatoloxía do inverno non sexa demasiado desfavorable”.
José María González Barcia lembrou que “as obras, que no seu conxunto (proxecto, asistencia técnica, a propia obra, etc.) tén un presuposto de oito millóns de euros, adxudicáronse en setembro do ano pasado e comenzaron en novembro; e nestes últimos cinco meses as obras tiveron un fortísimo impulso”.
Finalmente, o portavoz do Grupo Popular dixo que “non hai que esquecer que esta obra é fundamental para Burela, que a vén demandando desde hai tempo. Pero tampouco hai que esquecer que está sendo posible porque hai un goberno autonómico, que preside Núñez Feijoo, que apostou decididamente por esta obra nunha época de especial dificultade económica. Outros puideron facela, pero o único que fixeron foi iniciala e parala, porque non souberon ou non quixeron cumplir con Burela. Ahora, co goberno actual da Xunta, fíxose o novo proxecto, estase facendo a obra, e rematarase a obra, a pesares de algúns que decían que todo era puro electoralismo. E desde o último goberno municipal do PP, dou fé de que traballamos arreo para sacar adiante esta obra, polo que nos sentimos especialmente satisfeitos de ver cómo o noso intenso traballo durante moitos meses dá os seus froitos”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
