O Grupo Provincial Socialista denuncia a Candia ante o Valedor do Pobo por ocultar o patrimonio dos 25 Deputados da Corporación Provincial e infrinxir a Lei 19/2013 de transparencia, acceso á información e bo goberno. Esta normativa dita que as administracións teñen a obriga de publicar e ter accesible nas súas sedes electrónicas as declaracións anuais de bens e actividades dos representantes locais. Así o tiña o Goberno progresista de Gómez Besteiro xa dende o ano 2011, é dicir, moito antes da entrada en vigor desta normativa. Coa chegada de Candia á Deputación de Lugo esta información desapareceu de www.deputacionlugo.gal.
Por este motivo, este mesmo venres o PSOE trasladou esta denuncia ao Valedor do Pobo. Álvaro Santos Ramos foi o encargado de presentala oficialmente este venres na sede do Valedor do Pobo en Santiago de Compostela. O Deputado socialista esixiu a Candia a inmediata publicación desta documentación e, “cando menos, a dos 11 Deputados do PSOE que nada temos que agochar. Non sei a Presidenta e os restantes membros do Partido Popular”.
Santos Ramos subliñou que “co Partido Popular, a Deputación de Lugo foi declarada polo Valedor do Pobo ata en dúas ocasións como unha administración hostil e empobrecedora. Gómez Besteiro foi capaz de deixar atrás todo isto ata conseguir que a de Lugo se convertese na sexta Deputación de España máis transparente. Candia herdou o peor do caciquismo. Así o amosa tamén ocultando o patrimonio dos Deputados e infrinxindo a Lei de Transparencia, ou negando aos lucenses Presupostos Participativos para 2016”.
Besteiro adiantouse á Lei de Transparencia
Adiantándose á Lei de Transparencia, Gómez Besteiro propuxo no 2011 facer público o patrimonio dos 25 membros da Corporación Provincial. Para poder facelo, levou ao Pleno do 25 de outubro de 2011 unha modificación do Regulamento Orgánico da Deputación de Lugo, que foi aprobada por unanimidade. Isto posibilitou que, por primeira vez, se publicase a relación de bens e actividades no Boletín Oficial da Provincia (BOP), así como en www.deputacionlugo.gal, onde estivo sempre ata que chegou Candia á presidencia. Dende dito portal, podíase acceder a esta documentación dun xeito sinxelo: dende a portada, entrando directamente no espazo de “Transparencia”, ou ben accedendo, tamén dende a portada, primeiro a “Entra na Deputación”, logo en “Corporación Provincial” e seguidamente en “Retribucións” e “Patrimonio dos Deputados”. Hoxe isto é imposible, posto que Candia non permitiu a publicación desta información aos servizos provinciais correspondentes a pesares de tela nas súas mans dende que é Presidenta, posto que os Deputados teñen a obriga de entregala antes da súa toma de posesión.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
