Burela, 28 de agosto de 2015. O alcalde, Alfredo Llano, referiuse este venres á programación da I Feira do Libro, que bota a andar este sábado ao mediodía na praza da Mariña. Segundo o rexedor esta actividade contribuirá a agrandar a programación cultural da que poden gozar os veciños de Burela, unha das prioridades do seu programa electoral.
Llano considera que “a cultura é unha parte moi importante da vida dos nosos veciños ou debe de selo e, por iso, hai que dar todas as facilidades posibles para que isto que nos parece tan importante e tan desexable para complementar a vida diaria dos nosos veciños sexa unha realidade que se agradeza e se goce”. O alcalde subliñou que “imos tratar de que a cultura sexa un referente clave no noso municipio. Imos traballar duro neste aspecto, tanto na Feira do Libro, como na organización de actividades teatrais, musicais e calquera outra cuestión que poida interesarnos para desenvolver a nosa cultura”.
As actividades da Feira do Libro de Burela botan a andar mañá sábado ao mediodía. O concelleiro de Cultura, José Díaz, será o encargado de presentar á escritora convidada de ler o pregón, Marta Sanz: “é unha escritora que xa gañou varios premios de narrativa e consideramos que é unha boa persoa para inaugurar esta Feira do Libro. Así que invito a todos os veciños e toda a xente que estea pola comarca da Mariña que se aproxime e poda gozar deste primeiro encontro con Marta Sanz”. Como convidada e madriña do evento na inauguración participará a actriz Belinda Whashington.
Alfredo Llano declárase satisfeito co número de librarías que se achegarán a esta feira que celebra a súa primeira edición: “veñen moitas librerías para ser a primeira vez que se fai. Contamos con entre oito e 10 librerías. Haberá varias da nosa localidade, tamén da comarca e de Santiago, entre outros lugares. Vai ser unha boa representación e vai ser moi interesante a oferta de libros e de outras publicacións, que se poderán atopar en Burela”.
Outro dos atractivos desta cita será a variedade de oferta cultural: “hai que atraer o máximo de xente posible a esta feira e por tanto imos complementala con moitas actividades tanto para nenos como para adultos. Haberá conferencias, presentación de libros, sobre narrativa, poesía e obradoiros de encadernación a través de Gaia, entre outras posibilidades. Ademais de haber a exposición de libros e escritores por alí preto vai haber complementos que van ser atractivos para darlle valor a esta Feira de Libro de Burela”.
O alcalde burelés amosouse “moi optimista e moi contento de que estas iniciativas sexan unha realidade. Esperamos que sexa un éxito para que a xente poda achegarse aquí e gozar do que imos aportar nós na praza da Mariña. A Feira vai estar aberta o sábado e o domingo. Queremos que todo o mundo que teña interese pola cultura a través do libro se poda achegar. Non se van aburrir porque van ter moitos complementos, sexa en actividades, presentación de libros, conferencias e encontros con diversos escritores que van estar presentes, uns de Galicia e outros de fóra, e que van estar para poder falar con eles e poder ter as sinaturas dos seus libros. Creo que é un abano moi grande, unha gran posibilidade e unha gran oferta cultural do noso concello, cara o noso municipio, pero tamén cara a Mariña de Lugo e mesmo a provincia”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
