Ribadeo, 22 de setembro de 2015.- O concurso Arte nas Paredes, convocado polo Concello para facer un mural nunha fachada baleira na confluencia da rúa San Roque coa Avenida Rosalía de Castro, xa ten gañador. É Alexandre Prada, de Ourense, que presentou a obra titulada Buscando o norte, a elixida polo xurado.
O alcalde, Fernando Suárez, dixo que “por fin houbo fumata branca neste concurso Arte nas Paredes, que convocou o Concello de Ribadeo e que ten o apoio da Deputación Provincial de Lugo. Co mesmo preténdese que nalgunhas das fachadas singulares de Ribadeo, cegas e limpas, que estean actualmente sen ningún tipo de pintura, poder imprimir imaxes ou algo que as faga atractivas para os visitantes e para os que vivimos día a día neste municipio. Bebe doutras iniciativas noutras vilas de Europa, do Estado e de Galicia que están tamén facendo o propio, e se ben hai uns meses tivemos que deixar deserto este concurso porque a calidade das obras non era merecedora de consideración por parte do xurado, agora houbo máis de 25 persoas cualificadas, capacitadas para poder facer isto”.
O rexedor explicou que “entre todas as obras, un tribunal plural composto por xente de Acisa, da Dirección Xeral de Patrimonio, do Colexio de Arquitectos, artistas de renome ou profesores de Historia da Arte así como técnicos municipais, escolleuse o que por maioría lles parece a todos que debe ser a primeira proposta. Chámase Buscando o norte, é de Alexandre Prada, de Ourense, e xunto con esta hai un segundo e un terceiro proxecto elixidos”.
Suárez Barcia engadiu que “evidentemente estas propostas teñen que ir á Comisión de Patrimonio de Lugo para que as aprobe e a primeira, se o artista quere, será a que leve a súa idea adiante. Durante un tempo terá que traballar e pintar nesa fachada, que é duns 300 metros, para que perdure no tempo e será definitoria dun modelo de Ribadeo recuperado, restaurado, onde as paredes brancas e cegas tamén sexan arte, arte coa pintura que se lles pretende imprimir e coas obras de artistas como neste caso é o gañador deste concurso”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
