A Mariña, 23 de setembro de 2015.- A Mariña Federación dirixiu un escrito á Dirección Xeral de Estradas, do Ministerio de Fomento, para demandar unha mellor sinalización dos municipios da comarca na A-8 ao seu paso por esta zona. E tamén se interesa polo futuro da vella estrada da Costa, entre Barreiros e San Cibrao.
Na misiva Ramón Leivas sinala que “a Federación de Empresarios que presido ten un interese prioritario no desenvolvemento económico da industria, o comercio e de todas as actividades empresariais desta comarca lucense. É por iso que a xunta directiva considera prioritario e moi importante ter en perfectas condicións de uso o sistema vial de comunicacións terrestres entre as poboacións da comarca, polo que respetuosamente solicitamos do departamento correspondente dese Ministerio de Fomento, que nos informe sobre a situación actual dos proxectos en marcha en canto a mellóralas e arreglos previstos concretamente na estrada da Costa, no tramo comprendido entre Barreiros e San Ciprián, xa que o seu estado de deterioro é alto”. Leivas Lavandeira destaca que esta situación “diminúe sensiblemente as posibilidades de comercio na nosa comarca, tanto para os residentes, como para os turistas e/ou visitantes ocasionales e asiduos”.
O presidente da Mariña Federación considera que “se fai necesario e urxente acometer canto antes a construción da denominada autovía A-82 ou Corredor da Costa para que toda a comarca teñas as mesmas posibilidades de crecemento e desenvolvemento comercial e co fin de mellorar a seguridade dos miles de condutores que a diario transitan pola vella estrada da Costa”.
O colectivo, que representa a uns 1.000 socios en toda a comarca, tamén demanda “máis e mellor sinalización na A-8 entre Ribadeo e Mondoñedo e viceversa dos municipios, praias e lugares de interese que poden atoparse en todas e cada unha das saídas e accesos desde a autovía aos nosos pobos. Creemos que debemos dar unha maior información das poboacións, distancias, servizos, etc… desta comarca ás persoas que circulen pola Autovía do Cantábrico, todo iso co mesmo interese de dinamizar a economía na zona”.
Hospital da Costa
Por outra banda, desde A Mariña Federación o seu presidente interésase tamén polo futuro do Hospital da Costa: “son moitos os anuncios que escoitamos sobre a ampliación deste centro, pero de momento non se plasmaron en feitos. Esperamos que as últimas palabras do presidente da Xunta, Alberto Núñez Feijoo, se convirtan en realidades. Lamentablemente, e ata a data, son moitas as carencias que presenta o Hospital da Costa e cada vez son máis os veciños e veciñas desta comarca que deben desprazarse a Lugo ou a outros centros hospitalarios a realizar probas ou intervencións cirúrxicas”. Ramón Leivas engade que “non podemos permitir que o noso hospital, o da Costa, se acabe convertendo nun centro ambulatorio para realizar operacións cirúrxicas menores, partos sen complicacións, etc… Os veciños e as veciñas da Mariña, e os seus empresarios, pagamos os impostos igual que os das grandes cidades e se ata a data contamos cunhas prestación non podemos permitir que estas se vexan mermadas”.
Balance do verán
A Mariña Federación fai un balance moi positivo do verán, que acabou: “miles de persoas escolleron esta comarca para pasar as súas vacacións, para visitar lugares tan emblemáticos e coñecidos como a praia das Catedrais, cascos históricos como o de Viveiro ou o de Mondoñedo, monumentos como a Basílica de San Martiño (en Foz), o Pazo de Tovar, Sargadelos, portos como os de Burela ou de Celeiro, para facer o Camiño de Santiago ou para descubrir lugares máxicos en calquera recuncho de Ou Vicedo, Viveiro, Ourol, Xove, Cervo, Burela, Foz, Barreiros, Ribadeo, Lourenzá, Trabada, A Pontenova, Alfoz e Ou Valadouro”. Ramón Leivas destaca que “A Mariña está pegando cada vez máis forte pola oferta cultural, musical e festiva da que gozamos durante todo o verán, pero tamén pola nosa excelente gastronomía, pola nosa fantástica paisaxe e por contar cun comercio e unha hostelería próximos e modernos”. E engade: “a ocupación hoteleira foi moi boa este verán e esperamos que siga crecendo non só en tempada alta, é dicir en Semana Santa e no verán, senón que o faga nas pontes festivos e durante os fins de semana, pensando neste caso no turismo de proximidade”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
