Ribadeo, 17 de setembro de 2015. O alcalde, Fernando Suárez, detallou este xoves os asuntos que se abordarán nas comisións informativas do vindeiro luns, 21 de setembro, previas ao próximo pleno ordinario da Corporación Municipal. Nas mesmas veranse un deslinde na parroquia de Ove, a fixación dos festivos locais para 2016, unha petición a Fomento para que ilumine a Ponte dos Santos e un recoñecemento extraxudicial de crédito.
O rexedor explicou que “nestas comisións tratamos varios asuntos esta vez. Un deles é un expediente para un deslinde dun antigo camiño público, na parroquia de Ove, concretamente no Chao de Ove. Hai unha solicitude dun peche por parte dun particular e o Concello sabe da existencia dun antigo camiño, pero non ten claro cal é o trazado actual, non é doado definilo, polo que acudimos a esta fórmula que existe na lexislación, que é acudir a un acto de deslinde. Para iso vaise dar audiencia aos veciños, pero ten que iniciarse o trámite coa aprobación plenaria”.
Suárez Barcia contou que “outro dos puntos que vai ir é a fixación dos festivos locais para 2016. Como outros anos, a proposta é o 16 de agosto, día de San Roque, e 8 de setembro, o día da Patroa. E queremos tamén que o pleno se pronuncie sobre a conveniencia de que o Ministerio de Fomento asuma o alumeado público na Ponte dos Santos”.
O alcalde engadiu que “outro dos puntos é un expediente de recoñecemento extraxudicial de crédito. Son referidos a facturas que, por un motivo ou por outro, non entraron no rexistro do Concello no exercicio no que teñen que entrar, fano no ano seguinte, por poñer por caso. Polo tanto agora é necesario que o pleno, sen ter a culpa o Concello diso, asuma estas facturas con cargo a remanentes de tesourería. Dado que afortunadamente existen, podemos darlle cobertura xurídica e legal a estas facturas que entran no Rexistro en tempo posterior. Ascenden a uns 80.000 euros e son de todo tipo, basicamente de subministro eléctrico, de Sogama, do Consorcio de Igualdade e Benestar, así como facturas menores de provedores”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
