O Bloque Nacionalista Galego do Vicedo, vén de rexistrar na casa consistorial as máis de mil sinaturas -1082 concretamente- que recadou polo concello este verán, a favor da instalación na casa do mar do Vicedo dun centro de día destinado á xente maior do concello e da contorna.
O portavoz municipal e concelleiro do BNG no concello, Adrián Piñón Domínguez, manifestou no Pleno desta mañá a súa alegría tras comprobar que o Alcalde mudara de opinión, posto que, durante campaña electoral, manifestou que “só dúas persoas estaban interesadas no Centro”
Nun concello no que, segundo o IGE, o 34% da poboación e maior de 65 anos, e un 39% vive grazas a un subsidio do Estado –sendo o segundo concello da Mariña cun maior porcentaxe neste senso, só por detrás de Ourol- e máis que necesario un servizo que axude ós nosos maiores.
No Pleno aprobouse por unanimidade a cesión da titularidade da Casa do Mar ao Concello. Aínda así, o BNG, co obxectivo de presionar e que a proposta non pase a segundo plano, defenderá no próximo pleno do día 30, a posta en funcionamento do Centro.
“O que se solicita é un centro con servizo de comedor e lavandería, e que o mesmo atenda tamén as persoas cunha mobilidade reducida e que non poda acudir ó centro, impulsando un programa de xantar na casa así como un servizo de transporte adaptado que faga posible a conciliación familiar das persoas que precisen utilizar este servizo ou dos seus achegados”.
Tanto Adrián Piñón como a concelleira Inma García Escourido manifestaron o seu agradecemento “a todas as persoas que asinaron, en especial ás donas e donos dos comercios e bares que permitiron que se recolleran firmas nos seus locais”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
