Lugo, 23 de setembro de 2015.- A Presidenta do Colexio Oficial de Traballo Social de Galicia, Marta Capeáns, acompañada do Xerente, Víctor González, veñen de ter unha xuntanza coa responsable de Benestar da Deputación de Lugo, Mari Teijeiro, co obxectivo de abrir unha canle de diálogo, “fluída e estable” entre a institución e o Colexio para “desenvolver proxectos conxuntos co obxectivo de mellorar a situación do servizos sociais, dos e das profesionais e das persoas usuarias”. Durante a mesma, houbo un intercambio de impresións a respecto da situación de deterioro dos servizos sociais, onde o COTSG fixo entrega dun documento onde se recollen medidas de mellora e posibles vías de colaboración no ámbito do asesoramento, xornadas ou cursos.
Capeáns trasladoulle á representante da Deputación, tamén traballadora social e que tivo unha actitude “aberta, colaborativa e moi social”, as inquedanzas da profesión e un pequeno dossier onde se recolle “a análise actual de situación, propostas de mellora para a Deputación de Lugo e unha proposta de colaboración co COTSG”, indica a Presidenta do Colexio. Entre as propostas no ámbito da formación para traballadores e traballadoras sociais, lembrou Capeáns, está todo o referente ao Informe Social Unificado, ligado a unha Lei 10/2013, do 27 de novembro, de inclusión social de Galicia, aínda sen desenvolver por decreto a pesar de que a Xunta se comprometera a telo en xuño deste mesmo ano, e sendo un documento “cando menos” complicado e no que se precisaría “unha plataforma telemática aínda sen desenvolver, tarefa pendente por parte de Amtega”.
Pola súa banda, a Deputada de Benestar mostrouse aberta a estudar e poder levar a cabo algunha das propostas que lle foron trasladadas polos responsables do Colexio de Traballo Social. Teijeiro indica que algunha destas ideas son a reedición da Xornada Muller e Mercado Laboral, a participación en Proxectos Europeos e a necesidade de dar formación a profesionais no eido dos servizos sociais. No documento, o COTSG lembra cales son os puntos esenciais que deberían ter as futuras políticas xerais en materia de servizos sociais, cun sistema “que amosou a súa eficacia dende os anos 80 pero que agora é necesario ampliar a súa cobertura para satisfacer as novas e crecentes necesidades, en Galicia ou no Estado, a crise do modelo é xeral”.Esta xuntanza enmárcase na rolda de reunións coas diferentes institucións para dar traslado das medidas que o COTSG entende fundamentais para reordenar e mellorar unha sistema a día de hoxe, “con moitísimos signos de debilidade”. Xa se mantiveron reunións con Ferrol, Coruña, Santiago ou Narón e, indica Capeáns, “seguiremos tentando concienciar e sensibilizar aos cargos públicos para que poñan en marcha medidas de apoio social para a cidadanía, especialmente para aqueles colectivos que se atopan en situacións de emerxencia ou vulnerabilidade”
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
