Ribadeo 14 de setembro de 2015.- O presidente do PP de Ribadeo, Jesús López Penabad, anunciou este martes que o grupo municipal popular levará á vindeira sesión plenaria municipal dúas mocións nas que instará á Deputación de Lugo á asinar dous convenios: un para arranxar as vías das que é responsable e outro para a construción dun campo de céspede artificial.
Nunha rolda de prensa celebrada esta mañá, López Penabad, explicou que no termo municipal de Ribadeo existen varias estradas, de titularidade provincial, que precisan dunha reparación urxente ante a mala situación do seu firme e a falta de mantemento; unhas circunstancias que provocan inseguridade e incomodidade para os veciños e usuarios que transitan polas mesmas.
O popular explicou que as vías máis afectadas son a LU-P-5203, LU-P-5204 e LU-P-5205, que comunican as parroquias do interior de Ribadeo, desde Arante, Cedofeita, Santalla de Vilaosende e Couxela; unhas estradas moi recorridas, con gran afluencia de tráfico e que se converten na principal vía de entrada e saída á vila.
Explicou López Penabad que estas estradas, de titularidade provincial, permiten a comunicación dos veciños coa N-640 (saída cara Lugo e Asturias) así coma coa carretera de Vilela na súa entrada na nosa vila e recalcou que as primeiras discorren por unha zona cun importante potencial agrícola ademais de soportar, polo tanto, tráfico pesado.
O presidente dos populares ribadenses pediu tamén a reparación da ponte e o tramo de titularidade provincial ata a rúa Deputación, dotando de beirarrúas e así urbanizando un treito xa urbano e zona de entrada de Ribadeo dende as parroquias do interior.
O popular achaca estas deficiencias á falta de actuación durante estes anos por parte do anterior bipartito provincial, e a pasividade do Equipo de Goberno municipal, tan reivindicativo noutros ámbitos e insistiu en que esta incompetencia levou a numerosos veciños a denunciar publicamente o mal estado destas estradas e a esixir actuacións inmediatas.
CONSTRUCCIÓN DUN CAMPO DE CÉSPEDE ARTIFICIAL
Por outra banda, o presidente do PP de Ribadeo explicou que o pleno da Corporación Municipal de Ribadeo instará tamén á Deputación provincial de Lugo á celebración dun convenio de colaboración concello ribadense para a dotación no municipio dun campo de fútbol de céspede artificial que contribuirá á mellora das instalacións deportivas do municipio.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
