Lugo, 17 de setembro de 2015.- A delegada territorial da Xunta en Lugo supervisou este xoves o funcionamento do obradoiro de emprego Sendas de Burela, Cervo e Xove III, organizado pola Consellería de Traballo e Benestar.
Raquel Arias comprobou a marcha dos traballos que se están a acometer no parque Reina Sofía de Cervo, no parque municipal de Xove e na zona da praia da Marosa de Burela, acompañada por Alfonso Villares e Demetrio Salgueiro, rexidores de Cervo e Xove respectivamente, e as concelleiras de Burela, Noelia Ben e Patricia Otero.
“Conseguir a inserción laboral dos alumnos-traballadores que participan neste obradoiro é o principal obxectivo”, destacou Arias, quen sinalou tamén que “a Consellería de Traballo e Benestar está a facer un importante esforzo orzamentario na formación e aprendizaxe das persoas desempregadas da provincia, que só en obradoiros inviste preto de 2,5 millóns de euros”. Así, reciben unha formación especializada nunha área concreta do seu interese ao mesmo tempo que desfrutan dun contrato de traballo remunerado. “O resultado do se traballo ademais”, engadiu a delegada territorial, “tradúcense en actuacións concretas nos propios concellos”
Neste obradoiro, que comezou a principios de agosto e rematará en febreiro do vindeiro ano, impártense as especialidades de actividades auxiliares en viveiros, xardíns e centros de xardinería (en Cervo e Xove); e pintura decorativa en construción (en Burela); e conta cun orzamento de 178.000 euros.
Entre as obras a realizar polos alumnos están, no concello de Cervo, o acondicionamento do entorno da antiga fábrica de salazón de San Ciprián, o da área recreativa da ponte medieval de Lieiro, así como as fontes e parques e xardíns de varias parroquias, ademais do parque Reina Sofía. En Xove, levarase a cabo a restauración ambiental da senda fluvial da ruta dos muíños do río da Rigueira e tamén o acondicionamento de parques, xardíns e zonas verdes, como o da urbanización Palmeiro ou os situados na Avenida Deputación, entre outras actuacións.
E en Burela, os alumnos-traballadores realizarán accións de mantemento, conservación e mellora do edificio multiusos, do cemiterio municipal e do antigo centro de formación ocupacional, entre outras melloras en instalacións públicas como é o caso da caseta dos socorristas ou o peche do campo de fútbol de A Marosa que visitou esta mañá a delegada territorial.
A Xunta de Galicia inviste 640.000 euros na comarca da Mariña na organización de cinco obradoiros de emprego, nos que se implican trece concellos e dos que se beneficiarán un total 95 alumnos-traballadores.
Raquel Arias lembrou que un destes obradoiros, que se desenvolverá no Concello de Foz, inclúese nun programa específico desenvolvido por primeira vez este ano pola Consellería de Traballo e Benestar, os denominados Yei, “especialmente orientado a mozos e mozas de entre 18 e 30 anos”.
“É un dos cinco obradoiros destas características que se poñerán en marcha na provincia, que neste intre están na fase de selección de persoal e que comezarán a funcionar antes de que remate o mes”, explicou a delegada territorial.
Na Mariña, ademais dos xa mencionados, Sendas de Burela, Cervo e Xove e do programa YEI de Foz, tamén estanse a desenvolver xa o Pardo de Cela II, que comparten Foz, Mondoñedo, Alfoz e O Valadouro; o Serra da Cadeira II, en Barreiros, Lourenzá e Trabada; e o Río Sor III, no que participan alumnos dos concellos de O Vicedo, Ourol e Muras.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
