O Barco de Valdeorras acollía este sábado 24 de outubro o X Trofeo Arcobarco de carácter internacional; xa que a el asistiron arqueiros italianos, finlandeses, belgas, suizos e portugueses.
O Club de Tiro con Arco IADOVI de San Cibrao tamén se desprazaba con varios representantes para competir na modalidade de arco recurvo.
Na categoría senior, Gabriel Galante Briones situábase 8º con 528 puntos tralas series clasificatorias e Francisco Melo Botelho, 13º con 511 puntos. Con estas puntuacións ambos arqueiros pasaban ás series eliminatorias e, no caso de Fran, batendo o seu record personal acadado recentemente na competición de San Froilán 2015.
Francisco Melo caía xa en oitavos ante Juan Ramón González Vázquez, do Club Lume-Lar de Ourense, aínda que estivo moi centrado; pero fíxose notar a falta de táboas ata perder por un contundente 6 a 0 en puntuación de sets.
Gabriel Galante, pola contra, logra resistir algo máis. O seu primeiro encontro contra o representante portugués do Club SCP Sporting Club de Portugal, Francisco Coutinho, remata coa súa vitoria por 6 puntos de set a 2. Pero, o segundo encontro sería contra un compañeiro do anterior clasificado primeiro nas series, Jorge Alves. Mostrando táboas e certeza nas execucións, o partido tórnase complicado. Empatan os dous primeiros sets e no terceiro, o portugués logra unha vantaxe que Gabriel reduce no cuarto vecendo e alcanzando o empate a sets (4-4) ata que no quinto, a diferenza dun punto moi axustado -xa que tivo que intervir o xuíz en dúas ocasións para dirimir o valor de dúas frechas dubidosas- decanta a vitoria do lado do portugués apartando a Gabriel da competición.
A alegría para o Club IADOVI chegaría da man da nai deste último, Ana María Briones, que se situaba terceira nas series clasificatorias e, tras disputar as eliminatorias, caía en semifinais ante Noelia Pena do Club Arteixo por un 6-0. Aínda así, disputariase a terceira praza contra Olaia Pérez, do Club Arco Narón, nunha eliminatoria moi apretada ata que Ana logra vencer á súa contrincante por 6 a 4 nos puntos de set facéndose coa terceira posición da súa categoría.
Liga de equipos
O vindeiro fin de semana en Valdoviño, o club mariñán desprazará a dous equipos: o IADOVI A -composto por Gabriel Galante Briones como capitán, Francisco Melo Botelho, Ángel Galante Briones, Ana María Briones Montes e Jorge Galante- e o IADOVI B -composto por José Antonio Rico Pernas como capitán, Davis Pernas Basanta, Lucas Rouco Lópes e Iván Cendán Lindín-.
Ambos combinados competirán na Liga de equipos da Federación Galega de Tiro con Arco na modalidade de arco recurvo nun compionato que se desenvolverá a tres voltas. A directiva do club deséxalles sorte e bo tino ós integrantes de ambos equipos na súa primeira participación nesta competición.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
