Burela, 8 de outubro de 2015. A Aula da Rede de Centros para a Modernización e Inclusión Tecnolóxica da Xunta de Galicia, a Rede CeMIT do Concello de Burela, comezará catro novos cursos durante este mes.
O xoves, 15 de outubro, iniciarase o curso Creación de carteis, unha formación dirixida a persoas con coñecementos básicos de informática. Neste curso ensinarase a realizar carteis mesturando texto, formas e imaxes a través do programa libre Draw, incluído no paquete ofimático LibreOffice. O curso contará cunha duración de 14 horas e impartirase de luns a venres en horario de 10.00 a 12.00 horas e rematará o día 23.
O 19 de outubro dará comezo o curso Correo Electrónico, dirixido a persoas con coñecementos básicos de internet. Con esta actividade aprenderase a crear unha conta de correo electrónico coa que poder enviar e recibir mensaxes doutras persoas. Dito curso terá unha duración de 12 horas e impartirase os luns e mércores de 18.30 a 20.00 horas. Finalizará o 12 de novembro.
O curso Redes Sociais: Twitter comezará o 22 de outubro e rematará o xoves 5 de novembro. Neste curso abordarase o funcionamento da rede social Twitter. A través desta plataforma social, os asistentes á actividade poderán seguir as publicacións doutras persoas, comunicarse con elas e expor a súa opinión sobre temas de actualidade. A actividade contará cunha duración de 12 horas e impartirase de luns a xoves en horario de 16.00 a 17.30 horas.
Por último, o 26 de outubro comezará a impartirse o curso Iniciación á informática, actividade coa que se pretende dotar aos participantes das destrezas e coñecementos necesarios para manexar un computador dun xeito básico. Este curso vai dirixido a persoas sen coñecementos de informática e a súa duración será de 14 horas. Impartirase de luns a venres en horario de 10 a 12 horas e finalizará o día 4 de novembro.
Para inscribirse ou para solicitar máis información sobre as citadas actividades os interesados poden dirixirse á Aula CeMIT de Burela sita Casa da Xuventude. Tamén é posible inscribirse a través da páxina web https://cemit.xunta.es/ ou enviando un correo á dirección cemit.burela@xunta.es.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
