O CD Burela FS Pescados Rubén B volve a Vista Alegre na cuarta xornada de Autonómica Feminina coa visita do Cidade das Burgas (domingo 11, 12.00 horas).
Á fronte deste prometedor proxecto está Pablo García, que esta tempada alternará a responsabilidade de adestrador coas súas obrigas como preparador físico do conxunto sénior feminino. “Estou moi contento coa ilusión do equipo e tamén co seu rendemento tanto nos adestramentos coma na competición” recoñecía o burelao, que se interna nunha nova etapa profesional no club laranxa, nun ámbito no que xa conta con experiencia dirixindo equipos escolares en diferentes municipios da Mariña. “É un grupo moi ilusionado; gústalles moito o fútbol sala, son moi traballadoras e ata se lamentan se perden algún adestramento. Forman un excelente grupo, unido por unha grande amizade” loaba así as súas pupilas Pablo.
“A categoría é nova para todas, teñen que adaptarse, pero xa están competindo ben. Están respondendo ben en actitude sobre a pista e xogo, aínda que os resultados nas dúas últimas xornadas non nos acompañaran”, valoraba así o técnico o ata agora curto percorrido da escuadra laranxa en liga, que se estreou con vitoria ante o Leis Pontevedra (2-4) e caeu ante A Fervenza (5-7) e Fisober (4-1).
Mantense o bloque do ano pasado en Provincial, coa incorporación dalgunhas rapazas procedentes doutros equipos da Mariña: Jessica López, Lara Díaz, Xela Bernardo, Gracieth Coelho, Paula Lestegás, Anna Fernández, Carla González, Noemí da Silva, Paula Rubiera, Carla Bolaños, Nerea Abad, Silvia Otero e Nuria Rolle. O equipo complétano xogadoras que alternan o traballo co de Primeira RFEF, como Emma e Judith, ademais da burelá Silvia Rubal, que regresa procedente do Rioja FSF.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
