A Mariña, 30 de outubro de 2015. A Mariña Federación anima a veciños da comarca e a visitantes a facer as súas compras no comercio asociado da zona durante o mes de novembro e a gozar da hostalería da zona. E recorda que “hai 12.000 euros en premios dentro da nosa campaña de Nadal. Os afortunados ou afortunadas serán seis clientes, que confíen no comercio tradicional e próximo e nos locais de restauración de Burela, Foz, O Vicedo, Ribadeo, Viveiro e Xove”.
Aquelas persoas que estes días achéguense aos locais asociados poderán conseguir as rifas que lles permitirán entrar no sorteo de 12.000 euros en vales de compra. Desde a directiva da Mariña Federación explican que “se sortearán seis vales de compra de 2.000 euros, un por cada asociación de empresarios que forma parte da Federación de Comercio da Mariña, que son as de Burela, Foz, O Vicedo, Ribadeo, Viveiro e Xove. O sorteo realizarase ante notario o 1 de decembro. En caso de quedar deserto algún premio doarase a algunha entidade que decidirá a xunta directiva da Federación de Comercio da Mariña”.
A campaña de Nadal da Mariña Federación deu comezo o pasado 15 de outubro e prolongarase ata o 30 de novembro. A directiva sinala que “é importante que todos os clientes do noso comercio se fagan coas súas papeletas, que as garden e que o 1 de decembro estean moi pendentes das redes sociais e dos medios de comunicación da comarca”.
Para esta campaña promocional A Mariña Federación conta coa colaboración da Dirección Xeral de Comercio, da Consellería de Economía e Industria, da Xunta de Galicia.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
