Foz, 30 de outubro de 2015. Xa está aberto ata o 26 de novembro o prazo para participar no XIV Concurso de Postais de Nadal 2015 convocado pola Biblioteca Pública Municipal de Foz, Radio Foz e a Oficina de Información ao Consumidor focense. É o certame destas características máis antigo da Mariña e vai dirixido a nenos de ata 16 anos, que participarán divididos en tres categorías segundo a idade.
No certame poden participar todos os rapaces que o desexen. A temática das postais presentadas debe ser o Nadal e os traballos realizaranse en cartolina cun tamaño de 16 por 11 centímetros. No reverso das mesmas aparecerán os datos básicos do autor: nome, idade, enderezo, teléfono e colexio. As postais entregaranse na Biblioteca Municipal.
A técnica a empregar será a do debuxo a lapis, rotuladores, ceras ou collage, sempre e cando o deseño non leve elementos que sobresaian, xa que dificultan a reprodución da postal, que é precisamente o que se fará co traballo que gañe o primeiro premio; unha postal escollida entre as tres categorías será a usada como felicitación oficial do Nadal de 2015 polo Concello de Foz.
En cada categoría haberá dous premios. Na Infantil A (nenos ata os seis anos) o agasallo consistirá nun lote de libros tanto para o 1º como o 2º premio. Na Infantil B (de sete a 10 anos) o 1º premio recibirá 40 euros máis un libro e o 2º premio levará 25 euros e outro libro. A categoría Xuvenil (de 11 a 16 anos) distinguirá ao 1º premio con 60 euros e ao 2º con 40 euros, e ámbolos dous levarán tamén cadanseu libro. Haberá tamén un premio especial para o colexio do que forme parte o alumno premiado.
O xurado poderá deixar deserto calquera dos galardóns se así o considera oportuno. O fallo darase a coñecer o 1 de decembro a través de Radio Foz, no teléfono 982.140.675 ou na propia Biblioteca Municipal. A entrega dos premios realizarase na Casa da Cultura nun acto para o que se establecerá data e hora.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
