Ribadeo, 30 de outubro de 2015.- O secretario do Partido Popular de Lugo e deputado autonómico, Jose Manuel Balseiro, insistiu este venres que a Xunta si está disposta a poñer o diñeiro, “medio millón de euros, disposta a colaborar” pero o Goberno municipal e o alcalde teñen que facer os seus deberes e enviar o informe que se lles pide.
O popular asegura que o alcalde de Ribadeo, Fernando Suárez Barcia, foi incapaz de desmentir que a Xunta leva agardando quince meses por un informe de viabilidade que lle foi requirido en agosto de 2014 cando se lle propuxo un convenio de colaboración para financiar a residencia.
“Non foi capaz de desmentilo. Porque non pode facelo. Pero os documentos están aí e rétolle ao alcalde a que os faga público, tanto os da Xunta como as respostas do Concello que en ningún caso inclúen o informe que se lle solicitou””
QUEN REQUIRE A DOCUMENTACIÓN É QUEN DÁ A AXUDA
En relación coa polémica suscitada polo alcalde sobre a necesidade do informe que acredite a viabilidade da residencia, Balseiro aclarou que ten o máximo respecto ao que din os técnicos, tanto os municipais como os da Xunta, pero explicou que en todos os procedementos administrativos quen reclama a documentación xustificativa que debe aportarse é quen da a subvención e non quen a recibe.
“Dubido moito que o Concello de Ribadeo dea subvencións e diñeiro público sen a correspondente xustificación. E dubido moito máis que sexan os que reciben as axudas os que lle teñen que dicir a aqueles que as dan cales son os documentos que valen e cales non”.
O popular dixo que a Xunta “simplemente cumpre a lei” cando solicita o informe de viabilidade e nese senso lembrou que este vén esixido a todos os concellos que desexen prestar novos servizos segundo o disposto no artigo 3 da Lei autonómica 5/2014 de medidas urxentes a reforma da administración municipal e no previsto no artigo 23 da da Lei estatal 27/2013 de racionalización e sostibilidade da Administración local. Este mesmo requisito aparece no artigo 68 da a Lei 13/2008, de 3 de decembro, de Servizos Sociais de Galicia.
O OBXECTIVO DO BNG PRIVATIZAR A RESIDENCIA
En todo caso Balseiro dixo que a verdadeira cuestión está en saber por que o alcalde de Ribadeo non quere dar ese informe de viabilidade.
“Iso é o que tería que estar explicando aos veciños. Non quere dalo, probablemente, porque se vería obrigado a dicir como vai a ser a xestión da futura residencia. Tería que recoñecer nun papel que un alcalde do BNG vai a privatizar a residencia”.
DESDE O PRINCIPIO UN MAL XESTOR
Ademais Balseiro dixo que o alcalde foi desde o principio “un mal xestor” pois renunciou no seu día á oferta que lle fixo a anterior conselleira de concertar 40 prazas da futura residencia porque preferiu recibir medio millón de euros para financiar a construción. “Preferiu ter medio millón de euros agora que 40 prazas pagadas pola Xunta para sempre”.
Balseiro explica que no plan de viabilidade “que se nega a elaborar” ten que dicir as consecuencias desta decisión, o custe das futuras prazas, “que será elevadísimo, carísimo, innasumible para moitos veciños. E quere ocultalo”
O deputado popular remata preguntándose por que os veciños de Ribadeo teñen que asumir medio millóns de euros cando a Xunta está disposta a facer fronte a esa cantidade no momento en el que o alcalde remita a documentación que se lle pide.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
