Viveiro, 5 de outubro de 2015.- O pasado venres día 2 de Outubro ás 20,00 horas en segunda convocatoria tivo lugar no Salón Principal do Casino de Viveiro a Asemblea Xeral Ordinaria celebrada pola Comunidade de Montes en Man Común Monte Maior San Roque e Penedo do Galo de Santa María e Santiago de Viveiro.
O Sr. Presidente D. Manuel Soto, abriu a asemblea dando as grazas aos presentes pola súa asistencia, e pasando a enumerar os puntos da Orde do día do que constaba a Asemblea, seguidamente, pasou a palabra á Sra. secretaria da comunidade, Dna. Marisa Rey, quen primeramente comprobou o quórum, cun total de 109 comuneiros entre presentes e debidamente representados, sendo suficiente para a celebración da asemblea, seguidamente paso á lectura do acta da asemblea anterior, a cal foi aprobada por unanimidade.
O punto 3 da orde do día correspondeu ao informe económico, balance de contas e resultados do exercicio 2014 e a presentación do novo orzamento, neste punto o Sr. tesoureiro D. Carlos Méndez, explicou detalladamente aos comuneiros os ingresos e gastos acontecidos no exercicio 2014, quedando ó peche do exercicio económico superávit, seguidamente procedeu á presentación do novo orzamento, quedando ambos aprobados por unanimidade.
O punto 4, trataba das altas e baixas de comuneiros, por parte da Sra. Secretaria, deuse conta das 14 baixas e as 13 altas dos novos comuneiros, as cales foron aceptadas e referendadas pola asemblea, quedando un total de 226 comuneiros.
O punto 5 tratou das actividades levadas a cabo pola Comunidade de Montes, así como as obras, arreglos e compras efectuadas, neste punto o Sr. Presidente, detallou pormenorizadamente todas e cada unha das obras efectuadas no monte, facendo fincapé na nova sinalización da área recreativa e a súa contorna así como a colocación dun panel informativo coa sinalización das distintas zonas da área de recreo, parque de animais, servizos, parque infantil, fonte, capela, hórreo, etc. Tamén se informou que no mirador instalouse un panel panorámico, o cal ofrece diferentes panorámicas, dependendo do punto de vista que se elixa, que serve para coñecer e descubrir os cumes, os elementos da paisaxe, as praias, o casco histórico de Viveiro, o porto de Celeiro, as illas, as minas da Silvarosa e un sinfín de vistas que ofrece o mirador de San Roque e que quedan detalladas no panel, con información sobre cada unha delas.
Neste punto enumeráronse as tarefas a realizar seguindo o plan de ordenación co que conta a Comunidade de Montes, sendo todo iso aprobado pola Asemblea.
A asemblea concluíu co punto destinado a rogos e preguntas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
