O ictus é a principal causa do dano cerebral adquirido. Está detrás do 78% dos casos desta discapacidade, que afecta a unhas 35.000 persoas en Galicia. Así como toda a cidadanía é consciente de que unha dor no peito pode ser un aviso de infarto de miocardio, existe un enorme descoñecemento dos síntomas de alarma do ictus. Por ese motivo a Federación Galega de Dano Cerebral (FEGADACE), co apoio da Deputación da Coruña e coa colaboración das asociacións de dano cerebral da Coruña (ADACECO) e de Compostela (Sarela), decidiu desenvolver unha campaña de prevención do ictus centrada na identificación dos seus síntomas de alarma.
A campaña desenvólvese nas áreas sanitarias da Coruña e Santiago, coa distribución de 600 carteis e 8.000 folletos en hospitais, centros de saúde e locais socioculturais municipais. Estes documentos gráficos explican o que é o ictus; describen, acompañados de ilustracións, os seus síntomas de alarma; e insisten na necesidade de chamar canto antes a emerxencias (112) no caso de que se identifiquen.
Para dar a coñecer de maneira máis ampla a campaña perante os medios de comunicación, FEGADACE convoca dous actos de presentación nas dúas sedes principais. A primeira delas será en Santiago o mércores, 14 de outubro (12:00 na Casa das Asociacións de Benestar Social), e contará coa presenza de representantes de FEGADACE, da Asociación de Dano Cerebral de Compostela Sarela, da Sociedade Galega de Neuroloxía e da Deputación da Coruña. Ademais, proxectarase un breve vídeo elaborado por FEGADACE no que se afonda na prevención do ictus.
O segundo acto de presentación vai ter lugar na Coruña o venres 16 de outubro (12:00 no Centro Cívico Cidade Vella); nel van intervir membros de FEGADACE, da Asociación de Dano Cerebral da Coruña (ADACECO) e da Deputación provincial, ademais de proxectar o mesmo vídeo sobre o ictus.
29 de outubro: Día Mundial do Ictus
A actividade central desta campaña vai coincidir coa conmemoración do Día Mundial do Ictus, o xoves 29 de outubro. FEGADACE colocará dúas mesas informativas nos complexos hospitalarios universitarios da Coruña e de Santiago, e pasará a mañá informando e sensibilizando á poboación sobre o ictus, os seus síntomas de alarma, os seus factores de risco, e sobre como axudar a previr esta doenza.
As mesas informativas contarán coa colaboración de persoas usuarias de Sarela e de ADACECO que teñen dano cerebral causado por un ictus, e coincidirán cos actos da Sociedade Galega de Neuroloxía, que se suma á campaña de prevención do ictus no seu día mundial.
Ictus, a importancia de actuar canto antes
O ictus, tamén chamado accidente cerebrovascular (ACV), infarto cerebral ou apoplexía, é un trastorno brusco da circulación cerebral que altera a función dunha determinada rexión do cerebro. Pode ser isquémico (interrupción do subministro sanguíneo pola formación dun trombo) ou hemorráxico (pola rotura dun vaso). O ictus é a principal causa de discapacidade adquirida, o primeiro factor de mortalidade nas mulleres e o segundo nos homes.
Cando se produce un ictus, o tratamento debe ser administrado canto antes para minimizar o dano. Os neurólogos sinalan que as primeiras catro horas son cruciais para reducir o impacto do ictus e minimizar as súas secuelas. Superada a primeira fase de atención de emerxencia, e cando as secuelas se cronifican e/ou fan permanentes, falamos de que a persoa ten dano cerebral adquirido.
O obxectivo da campaña ‘Ictus, a principal causa do dano cerebral’ é trasladar á poboación unha mensaxe moi clara e esquemática que faga a cada persoa interiorizar os síntomas de alarma desta doenza para ser quen de identificalos de maneira automática se os percibe en alguén ou en si mesma, de maneira que poida chamar canto antes ao servizo de emerxencias (o teléfono 112). Os síntomas de alarma son os seguintes:
-dor de cabeza aguda e repentina
– dificultade na fala ou para comprender
– parálise lateral repentina.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
