Mondoñedo, 10 de outubro de 2015.- A alcaldesa de Mondoñedo, Elena Candia, anuncia a incorporación dun novo artesán ao Proxecto de Artesanía dos Muíños, que implica a posta en valor dos oficios tradicionais. Abrirase un taller-museo de cantería, que ocupará o espazo anexo ao alfar, e nel levarase a cabo a actividade artesanal de forma interactiva, podendo os visitantes participar nas actividades, baixo o asesoramento do artesán e onde se establecerá unha tenda para a venda dos produtos.
A alcaldesa e o artesán Fernando Vilariño Gosende chegaron a un acordo para asinar o convenio que regula a relación entre o particular e o Concello e que se converte “nun paso adiante na revitalización do Proxecto Artesanía Os Muíños, de recuperación destes oficios tradicionais e de posta en valor do barrio, ademais de tratarse dun novo reclamo turístico”.
Agradecemento
Candia mostrase moi contenta con este “avance” e agradece ao “coñecido artesán en Mondoñedo, casado e con tres nenas, tanto a súa colaboración desinteresada en todos os eventos culturais e lúdicos da cidade, como a súa boa disposición para implicarse na dinamización deste proxecto nos Muíños. Necesitamos xente comprometida coa localidade e co proxecto”.
Avance no compromiso de revitalizar o proxecto
A popular lembra que o Goberno adquiriu o compromiso de revitalizar este proxecto para o que está a promover cambios e “corriximos todo aquilo que consideramos que non se estaba a facer ben. Agora estas modificacións no proxecto empezan a dar os primeiros pasos, coa incorporación deste novo artesán”. A idea, engade a popular, é a de optimizar os espazos dos que dispón o Concello para revitalizar un proxecto, iniciado polo goberno popular, acadando incluso un premio Agader, e que os “socialistas e nacionalistas abandonaron, situación derivada da súa falta de compromiso coa localidade”. “Estamos a avanzar no noso compromiso de revitalización do proxecto”, matiza.
Taller de alfarería
Nesta liña de compromiso tanto co proxecto coma co Barrio dos Muíños, o Goberno local tamén está a traballar na posta en marcha dunha Escola de Alfarería, unha iniciativa dos populares para cuxo desenvolvemento están a buscar financiamento das administracións. Segundo explica a alcaldesa, incluiría a celebración dun curso de seis meses durante as horas necesarias que permitise optar á carta de artesán e que se impartiría no alfar dos Muíños. Esta proposta “garantiría a apertura do alfar en horario necesario de tal xeito que o podamos considerar un recurso turístico”, matiza.
Convenio de colaboración
O convenio de colaboración que asinarán entre o Concello de Mondoñedo e o artesán regula a obriga das dúas partes. A administración local porá a disposición do artesán o local e deberao apoiar e asesorar, así como promocionar o seu taller. Mentres que o artesán xestionará e dirixirá o taller-museo e correrá cos gastos de mantemento, ademais de elaborar de xeito artesanal os produtos e promocionar e potenciar o oficio e o barrio dos Muíños. A duración do convenio é dun ano, prorrogable á finalización do mesmo.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
