Viveiro, 6 de outubro de 2015.- O primeiro equipo do Balonmán Galipizza Viveiro conseguiu a pasada fin de semana a súa primeira vitoria oficial desta tempada no seu segundo encontro da Copa Federación. Os de Javi Villares completaron unha moi boa segunda parte en Coia (Vigo) e conseguiron remontar un encontro diante do Hierros Miguel Seis do Nadal no que foron por detrás ata o inicio da segunda parte.
Entraron mellor no encontro os locais, logrando un parcial de 5-1 nos primeiros cinco minutos. Os viveireses conseguían boas opcións de lanzamento, pero remataban chocando contra un inspirado meta local. Mentres, os de Coia estaban moito máis atinados diante da porta defendida por Emilio. Así as cousas, mediado o primeiro periodo acadaban a súa renda máis importante, de 6 goles: 11-5.
Melloraron os visitantes a súa defensa e, axudados por un Emilio que se foi entonando pouco a pouco, foron reducindo distancias ata poñerse a tres goles no descanso: 18-15.
Tralo paso polos vestiarios, os mariñanos continuaron crecendo en defensa, cun 6:0 que se fixo indescifrable para os locais no inicio, polo que firmaron un 1-5 de parcial que os colocou por diante por primeira vez: 19-20 (min 35). Logo de poñerse tres goles por arriba (21-24), unha inferioridade visitante foi aproveitada polo Seis do Nadal para igualar a 25 tantos.
Non se viñeron abaixo os azuis e no tramo decisivo volveron estirar a súa renda, entrando nos últimos dous minutos catro goles por diante. Despois dunha nova exclusión mariñá, os locais aproveitaron os últimos 100 segundos de partido para achegarse, pero non chegaron a gozar de posesión para lograr a igualada.
BALONMÁN GALIPIZZA VIVEIRO (34): Emilio e Edu; José Labaén, Carlos (7), Javi Villares (2), Bruno Prado, Pastor (8), Bruno Gómez (1), Ignacio (3), Turbo (4), Mariño (5), Andrés, David Rodríguez (4) e Jacobo Permuy.
Exclusións: Pastor e Turbo (2).
Parciais cada cinco minutos: 5-1 / 8-4 / 11-5 / 13-8 / 16-11 / 18-15 (descanso) / 19-20 / 21-24 / 25-25 / 26-28 / 28-31 / 33-34.
Dous partidos esta fin de semana
O conxunto viveirés afrontará esta próxima fin de semana dous encontros como local. Por unha banda, os pupilos de Javi Villares xogaron o sábado (Municipal de Viveiro, 16:30 horas) a primeira xornada da Liga na Primeira Autonómica diante do Viña Costeira Ribeira de Ribadavia. Para o luns, ás 13 horas, quedará o último partido da primeira fase da Copa Delegación diante do Atlético Novas, un encontro que fora adiado no seu momento a petición do conxunto de Viveiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
