O Burela FS Pescados Rubén poderá disputar finalmente este martes a segunda eliminatoria da Copa do Rei na casa do Parrulo FS (A Malata, 20.45 horas), tras a suspensión da semana pasada por un corte de luz no pavillón ferrolán. O equipo da Mariña chega á cita con confianza e moral, co ronsel da primeira vitoria da tempada, logo de impoñerse o sábado ao Elche CF V. Alberola en liga (3-2).
“Será un partido moi igualado. Se conseguimos unha vitoria seremos un dos mellores equipos galegos en Copa do Rei e por iso pelexaremos mañá; para facer o mellor papel nesta competición” adiantaba este luns Daniel Ibañes, que non poderá contar con Iago Míguez para este martes por unha artrite da articulación metatarsofalánxica do primeiro dedo do pé dereito.
Oitavos
No caso de saír vitoriosos, os laranxas mediranse ao Ribera Navarra en Tudela en oitavos (13-14 de outubro).
Liga en Teledeporte
A escadra burelista desprazarase ao Siglo XXI para medirse ao DLink Zaragoza o sábado, na quinta xornada (13.00 horas), con emisión en directo por Teledeporte.
Resultados 1/16 Copa do Rei
Cidade de Narón 3 – 8 Magna Gurpea
Ziérbana 2 – 3 Aspil Vidal Ribera Navarra
Escola Pía 5 – 6 Catgas E. Santa Coloma
Triana FS 2 – 6 Jaén P. Interior
Naturpellet Segovia 6 – 7 Peñíscola RehabMedic
FS Valdepeñas 3 – 2 Elche CF V Alberola
FS Zamora 1 – 8 D-Link Zaragoza
Mosteiro Bembrive 4 – 2 Santiago Futsal
OID Talavera 3 – 6 ElPozo Murcia
Palleja 1 – 7 Palma Futsal
Real Betis FSN 7 – 4 CD UMA Antequera
Silver Novanca 3 – 2 Levante UDDM
Gran Canaria FS 2-9 Movistar Inter
P. Romero Cartagena 5-4 Jumilla FS Carchelo
Martes 6 de outubro:
Cofersa O Parrulo FS-CD Burela FS Pescados Rubén
Profiltek Agüimes – FC Barcelona Lassa
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
