Burela, 9 de outubro de 2015. Un dos obxectivos do Concello burelés é “aportar augas tratadas cada vez máis limpas ao mar”, segundo puxo de manifesto este mediodía o alcalde, Alfredo Llano, que falou da existencia de dous puntos contaminantes no municipio. Un deles, o detectado na praia de Ril, xa foi arranxado.
O rexedor lembrou que “estes días foi noticia a limpeza das augas, cuestión moi importante para o marisqueo no noso litoral. Burela tiña dous puntos contaminantes, que xa están marcados e tratados. Un é o emisario que procede da EDAR e outro é a desembocadura do río na praia de Ril”.
Llano explicou que “no Concello somos conscientes da existencia destes puntos contaminantes, pero estamos a actuar neles. No caso de Ril, o río Pomeda deu no verán a presenza dunha bacteria e tomamos as medidas pertinentes e incluso baixamos a bandeira azul, distintivo do que goza ese areal, durante uns días. Ese problema quedou solucionado e grazas á investigación realizada soubemos que a orixe estaba nunha canalización que por algunha razón mesturaba augas pluviais e residuais que desembocaban no río Pomeda”. O alcalde burelés subliñou que “se fixeron varias analíticas despois e todas indican que a problemática está solucionada e que non hai contaminación nese punto. Agardo que xa non nos dea problemas no futuro”.
O rexedor tamén se referiu á EDAR: “onte, como xa contaron os meus compañeiros, estivemos en Augas de Galicia falando desta cuestión, para ver o proxecto de ampliación e mellora da actual instalación. Ten que estar máis acorde coas novas tecnoloxías de agora e vai pasar dun proceso químico a un proceso biolóxico, o que suporá que non contaminará tanto e que as augas residuais van ser tratadas de xeito máis efectivo e natural e menos contaminante. O proxecto está en marcha e a ver si se puidese levar adiante o antes posible”.
Alfredo Llano subliñou que “o noso obxectivo é aportar augas tratadas cada vez máis limpas ao mar, como é normal”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
