Ribadeo, 29 de outubro de 2015.- Os deputados do Grupo Popular Jose Manuel Balseiro e Vidal Martínez-Sierra, salientaron na mañá deste xoves en rolda de prensa que un plan conxunto impulsado polo Goberno galego (a través do Instituto Galego de Vivenda e Solo) e o Ministerio de Fomento, permitirá investir tres millóns de euros para a rehabilitación integral dos ámbitos polos que discorren os Camiños de Santiago.
Esta colaboración permitirá habilitar unha liña de axudas directas para os propietarios de ata 11.000 euros a fondo perdido por vivenda. Ademais, como novidade, non só beneficiarán a aquelas edificiacións situadas na zona inmediata e contigua ao camiño, senón ao conxunto da parroquia, polo que todos os veciños da mesma poden solicitar estes apoios, a través do procedemento que determine o IGVS.
Os requisitos para acceder a estas axudas serán os mesmos que operan para as áreas de rehabilitación integral (ARIs) e inclúen actuacións de mellora en infraestruturas e urbanización, ademais das propias rehabilitacións edificatorias. En breve está previsto que o propio IGVS publique a convocatoria desta liña de axudas a través da publicación da resolución correspondente no Diario Oficial de Galicia (DOG)
Provincia de Lugo: Tres rutas oficiais
No caso da provincia de Lugo, tres son os camiños oficiais que a percorren:
O Camiño Norte: que inclúe parroquia dos concellos de Ribadeo, Trabada, Barreiros, Lourenzá, Mondoñedo, Abadín, Vilalba, Begonte, Guitiriz, e Friol;
O Camiño Primitivo: que empeza na Fonsagrada, e continúa por Baleira, Castroverde, Lugo, Guntín e Palas de Rei;
E, finalmente, o Camiño Francés: que se inicia en Pedrafita, Triacastela, Samos, Sarria, Paradela, Portomarín, Monterroso e Palas de Rei.
Precisamente os deputados populares quixeron dar conta destes apoios en Ribadeo, porta de entrada dun destes percorridos oficiais, o Norte, un dos espazos que maior afluencia de turistas e peregrinos está acadando nas últimas datas.
Plan director
Para rematar, puxeron en valor este investimento porque, ao seu xuízo, supón unha oportunidade de beneficio directo para os veciños das áreas polas que discorre o Camiño, á vez que se enmarca na aposta pola mellora destes trazados que o Goberno galego impulsa en todas as rutas, a través do Plan director, e que se materializa en aspectos tan variados como os ambientais, sinalización e servizos turísticos entre outros cometidos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
